471 557. Jost, Markgraf von Mähren, verkauft dem Wenzel von Kralitz die Olmützer Vogtei. Dt. Olmütz, 21. Juni 1389. In gotes namen amen. Wir Jost von gotes gnaden marggraff und herre czu Merhern bekennen czu eyme ewigen gedechtnuzz und tun kunt offentlichen allen, die diesen brieff sehen, horen ader lezen, das wir mit wolbedachtem mute, mit freyer willekore, mit ganczen willen und wissen und auch mit rate der eldesten und der ganczen gemeyne der stat Olomuncz, unsere lieben getrewen, recht und redlich vorkawfft haben und mit crafft dicz brieffes erbiclich und ewiglich vorkawffen, reichen und awffgeben unser ffoythey und gerichte zu Olomuncz und darczu die müle, die genant ist die Kuttelmole, mit eyme garthen, der do gelegen ist bei derselben müle an dem wasser, den ettwenn her Jan von Crawar hat gehalden, dorczu mit allen und besundern mit eyner yczlichen czugehorungen, mit allem rechte gerichte, pusen, herschefften, nuczen, früchten, czinsen und mit namen mit dem lehen, reychunge und vorleyunge des altars in unser lieben frawen kirchen doselbst zu Olomuncz, den ettwenn Wenczslaw foyt hat doselbest gestyfftet und begabet ; dorczu eyn hawz frey von aller lozunge und gabe, wo das gelegen ist in der stat zu Olomuncz, mit allen czugehorungen kleynen und grosen, wie die von rechte ader von gewonheit zu der egenanten foythey und mülen gehort haben ader gehoren mogen, nichtes uns noch unsern erben und nachkomelingen marggraffen und herren zu Merhern czinses, nuczes geldes ader genyeses zu halden, sunder gancz, frey, ledig und los dinstes alles und aller gabe, es were zu herfferten, ader zu andern unsern sachen; ydoch, das die besiczer derselben foythei uns und unser nachkomelinge marggraven und herren zu Merhern vor ire rechte erbherren sollen haben. Aber sam wir dieselbe foythey und müle selber gehalden haben fridlich, ungehindert, so reichen wir und uffgeben sie mit dem gerichte und allen obgenanten czugehorungen Wenczslawen Greliczer und seinen erben und nach irem tode dem jungen Wenczslawen, seines bruder son und seinen erben und wenn die obegingen, Katherine, Wenczslaw Greliczers bruder tochter und iren erben, und ob sie alle stürben, Wenczslaw von der Wistricz, genant von Doloplas und seinen erben und dornach allen der egenanten nechsten freunden und czu getrewer hant den edlen Laczken von Crawar und Petren von Sternberg, umb fumffczehenhundert mark pragischer grosser und merherischer czol, die wir marggraff Jost von dem egenanten Wenczslawen Greliczer mit gereiten pfennyngen haben empfangen. Und globen yn bei unsern guten trewen an alles arg, das sie dieselbe foythey und müle mit allen iren rechten, gerichten, czinsen, nuczen, fruchten und allen czugehorungen, wie die benant sein und benamet mogen werden, erblich und ewiglich frey und gerugesam sollen halden und haben und ewiglich besiczen von uns, unsern erben und nachkomelingen marggraven und herren zu Merhern, und von den unsern ungehindert lediglich und frey zu vorkawffen, czu vorwechslen, czu vorgeben, czu vorseczen, czu vormyten und an ire stat eynem andern zu lossen und an iren fromen, nucz und bestes, wie yn das allerbeheglichste wirt, czu wenden und mit namen, das yn der egenanten kuttelmole alle malcz, die zur stat