151 165. Marinus, Erzbischof von Brindisi, quittirt dem Abt des Klosters Bruck, dass dasselbe die pabstliche Steuer entrichtet habe. Dt. Rom 3. Oktober 1379. niversis presentes litteras inspecturis Marinus miseracione divina archiepiscopus Brundusinus domini nostri pape camerarius salutem in domino. Universitati vestre notum facimus, quod cum venerabilis pater dominus frater Zacharias, abbas monasterii Lucensis, premonstratensis ordinis, olomucensis diocesis se obligaverit camere apostolice ad solvendum ipsi camere seu collectori apostolico in partibus Olomucensibus deputato medietatem fructuum et proventuum unius anni seu illud, quod dictum monasterium taxatum in libris camere apostolice reperiretur et monasterium prefatum non reperiatur neque reperiri potuerit per nos seu gentes camere antedicte taxatum, religiosus vir frater Nicolaus monachus dicti monasterii ac capellanus dicti domini abbatis et procurator ipsius de et super fructibus, redditibus et proventibus predictis seu medietate nomine ipsius domini abbatis cum gentibus camere prelibate et nobiscum composuit pro ducentis florenis auri boni ponderis de camera. Quos ducentos florenos prefatus frater Nicolaus vice et nomine dicti domini abbatis ex causa composicionis die date presencium gentibus camere antedicte realiter solvit et numeravit. De quibus sic solutis et de medietate predicta ipsum dominum abbatem et suos heredes successores et monasterium presencium tenore quietamus et liberamus. Preterea reverendo patri domino .. Maieriensi episcopo in illis partibus nuncio et collatori apostolico et eius subcollectoribus et aliis quibuscunque presencium tenore mandamus, quatenus eundem dominum abbatem vel successores suos seu monasterium suum prefatum occasione dicte annate seu medietatis dictorum fructuum de cetero non molestent. In quorum testimonium presentes literas fieri fecimus et sigillum nostri camerariatus officii appensione muniri. Datum Rome die tercia mensis Octobris anno nativitatis domini millesimo trecentesimo septuagesimo nono, pontificatus sanctissimi in Christo patris et domini nostri domini Urbani divina provi- dencia pape sexti anno secundo. (Orig. Perg. h. Sig. verletzt im mähr. Landesarchive.) 166. Pabst Urban VI. beauftragt den Bischof von Leitomyšl etc. für den Fall, dass Markgraf Jodok, der Stadtrath von Olmütz etc. die Olmützer Kirche geschädigt hätten, dieselben mit dem Kirchenbanne zu belegen. Dt. Rom 15. Oktober 1379. Orbanus episcopus servus servorum dei venerabili fratri .. episcopo Luthomysslensi et dilectis filiis .. abbati monasterii Scotorum in Wyenna Pataviensis diocesis ac .. archi- diacono Wratislaviensi salutem et apostolicam benediccionem. Dudum per felicis recordacionis Urbanum papam V predecessorem nostrum accepto, quod nonnulli diversarum parcium prin-