356 397. Schiedsspruch K. Wenzels von Böhmen zwischen Sigmund, Markg. von Brandenburg, Jodok und Prokop, Markg. von Mähren, und zwischen den ungarischen Königinnen Maria und Elisabeth. Dt. im Felde bei Raab 12. Mai 1386. Wenceslaus dei gracia Romanorum rex semper augustus et Boemie rex notum- facimus tenore presencium universis. Quod quemadmodum serenissime principes, domine Maria et Elisabeth mater eius, Ungarie Dalmacie Croacie etc. regine, illustres sorores nostre carissime, super universis et singulis displicenciis discordiis et controversiis pro parte sua, necnon prelatorum baronum et singulorum incolarum regnorum eorumdem ac eis adherencium ab una, necnon illustres Sigismundus Brandemburgensis, sacri imperii archicamerarius, frater et Jodocus et Procopius Moravie marchiones, patrui nostri carissimi, pro se et eis adherentibus parte ex altera usque ad presens habitis et subortis, in nos veluti sincerum, fidum et equum arbitratorem amicabilem compositorem et diffinitorem, bona fide sine fraude et dolo in virtute prestiti iuramenti ex certis ambarum parcium scienciis, compromiserunt, ut in litteris huiusmodi compromissi tam dictarum reginarum, prelatorum et baronum regni Ungarie quam dictorum marchionum, nobis desuper datis, lacius est expressum: sic sub virtute compromissorum huiusmodi sinceritatem amoris mutui inter partes, racionem, equitatem et eciam commune commodum regni Ungarie, necnon tranquillitatem et pacem incolarum eiusdem attencius per- pendentes, animo deliberato maturo principum ecclesiasticorum et secularium, baronum nobilium tam nostrorum quam regni Ungarie fidelium comunicato consilio, auditis et visis parcium utrarumque racionabilibus intencionibus, articulis, allegacionibus et motivis, tamquam arbitrator, amicabilis compositor, pronunciator et eciam diffinitor ex certa nostra sciencia, arbitrando pronunciando et diffiniendo dicimus, pronuncciamus et presentibus diffinimus prout sequitur in hec verba. Primo quod omnis indignacio, displicencia sive rancor tam per serenissimas principes dominas Mariam et Elizabeth Ungarie etc. reginas, sorores nostras carissimas, ac prelatos barones et nobiles regni Ungarie et eis adherentes ab una, quam illustres Sigis- mundum Brandemburgensem sacri imperii archicamerarium fratrem, Jodocum et Procopium Moravie marchiones patruos nostros carissimos, et quosvis eis adherentes, parte ab alia inter et contra quoscumque regnicolas aut quascumque personas ecclesiasticas aut seculares. nobiles ignobiles et plebeios per utramque partem hinc inde hactenus usque presens concepti habiti et facti, plene simpliciter et pure relaxati et remissi sint penitus et ipse partes utrobique amplius inter se mutuo stare vivere et manere debeant pacifice ac tranquille. Et si que littere hac ocasione per regnicolas aut eis hinc inde date sunt, hec ab utraque parte cum effectu restitui debent, et quelibet parcium, que huiusmodi literas recepisse dinoscitur, debet eis renuncciare penitus et ex toto. Item ab utraque parte tum reginarum predictarum quam eciam marchionum ex nunc inantea fieri et attemptari non debet contra libertates, jura et laudabiles consuetudines prelatorum baronum et incolarum regni, sed in hiis manere ac conservari debent, prout observatum est hactenus ab antiquo. Item universa incomoda insolencie