414 profuturo. Sub harum quas nostris appensis sigillis dedimus robore literarum, feria quarta post diem resurreccionis domini proxima, anno domini millesimo trecentesimo octuagesimo octavo. (Orig. Perg. 7 h. Sig., das vierte abgerissen, im fürsterzb. Archive in Kremsier.) 472. König Wenzel von Böhmen erkläret, den Markgrafen Jost zur Unterhandlung mit König Sigmund von Ungarn bezüglich der Mark Brandenburg bevollmächtigt zu haben. Dt. Bürglitz 15. April 1388. Wir Wenczlaw von gotes gnaden romischer Kunig zu allen czeiten merer des Reichs und Kunig zu Beheim embieten dem erwirdigen bischoven, unsern fursten, und andechtigen, den edlen, grafen, mannen, lantluten, rittern, und knechten, den burgermeistern, reten und gemeinden der stete, merkten, dorffern und allen andern ynwonern und undersessen in der alten und newen marke zu Brandemburg, unsern lieben getrewen, unser gnade und alles gut. Wann wir durch sunderlicher vorsichtikeit, vernuft (sic) und trewen willen, die wir an dem hochgebornen Josten, marggrafen zu Merhern, unserm liben vettern und fursten erfunden haben und genczlichen erkennen, demselben unserm vettern vollkomene und gancze macht geben haben, mit dem durchleuchtigen fursten hern Sigmunden, kunigen zu Ungarn rc. unserm lieben bruder, von unsern wegen zu reden, zu teydigen, uberein- zukomen und ouch zu enden von wegen der lande der marke zu Brandemburg und solcher anwartung, die uns als einem kunig zu Beheim von schickung und bestellnusse seliger gedechtnusse unsers liben herren und vaters kaiser Karles doran geburet: dorumb so gebieten wir euch allen gemeinlichen und ewr iglichem sunderlichen, ernstlichen und festiclichen mit diesem brife, was euch der egenant unser vetter von unserm wegen und in unserm namen in den sachen, und von der marke wegen zu Brandemburg und der lande doselbist, und sunderlichen von der anwartung wegen gebeutet und heisset, das ir im dorynne getrewlichen und williclichen gehorsam, gewartende und gevolgig sein sollet, und euch dowider nicht seczet in dheineweis, wenn, was euch derselbe unser vetter, dorynne gebewtet und heisset, das ist unser willen und wort, wann wir im dorynn ganze macht geben haben, euch solcher anwartung genczlichen ledig und loze zu lassen, als ab wir das selber teten, als ir das in andern unsern briefen wol sehen werdet. Mit urkunt diez briefes versigelt mit unser kuniclichen maiestat insigel. Geben zum Burgleins noch Cristes geburde dreyczehenhundert jar, und dornach in dem achtundachczigisten jaren, des mitwochen noch dem suntag, als man singet misericordia domini, unserer reiche des beheimischen in dem fumfundezweinczigisten, und des romischen in dem czwelften jaren. (Auf der Plicatur: Per dominum Henricum de Duba curie magistrum et Cunatum Kappler magistrum monete Wlachnico de Weytenmule. — In dorso: R. Wenceslaus de Jenykow. — Orig. Perg. h. gut erhaltenes Sig. mit Gegensigel in den altständischen Akten des mähr. Landesarchives. — Abgedruckt in Pelzel's K. Wenzel, Urkundenbuch I. p. 81 und Riedl's Cod. Brand. B. III. 96.)