86 et successoribus suis, marchionibus et dominis Moravie astricti esse debemus necessitatis tempore exhibere servicia, qualia alii vasalli marchionatus Moravie consueti sunt facere et tenentur, malum ipsorum avertendo et bonum ipsorum fideliter prosequendo. Testes huius rei sunt strenui milites domini Albertus de Kauffungen et Smilo de Lestznicz, qui propter preces meas sigilla sua huic litere in testimonium appenderunt. Et ut omnia suprascripta robur firmitatis obtineant, sigillum meum presentibus duxi appendendum. Datum Tribovie anno domini millesimo trecentesimo septuagesimo septimo dominica proxima ante diem sancti Clementis. (Orig. Perg. 3 h. Sig. im mähr. Landes-Archive. — Das Sigel des Smil von Lestnitz zeigt das Wappen der Kunstate.) 96. Sander, Offizial des Olmützer Bistumes, spricht die Weiden im Dorfe Ustin dem Kloster Hradisch zu. Dt. Olmütz 2. Jänner 1378. In nomine domini amen. Dudum coram nobis Sandero Rambow, archidiacono Pre- roviensi, officiali curie episcopalis Olomucensis, discretus vir magister Nicolaus de Saxonia procurator et nomine procuratorio venerabilis et religiosorum virorum Terwardi abbatis et conventus monasterii in Hradisch prope Olomucz, ordinis premonstratensis, olomucensis diocesis, peticionem suam sive libellum contra nobilem virum dominum Machniconem de Drahotuss obtulit per omnia in hec verba: Coram vobis honorabili viro domino Sandero Rambow archidiacono Preroviensi, curie episcopalis olomucensis officiali, procurator et pro- curatorio nomine religiosorum virorum abbatis et conventus Gradicensis monasterii, ordinis premonstratensis, olomucensis diocesis, contra nobilem virum dominum Machniconem de Drahotuss et contra quamlibet personam pro ipso in iudicio legitime intervenientem proponit et dicit. Quod licet abbates et conventus monasterii prefati pro tempore existentes ac homines ville Hustyn infrascripte ipsius monasterii nomine fuerunt in pacifica, continua et quieta possessione ville Hustein communiter nuncupate cum agris, pascuis, paludibus, pratis ac omnibus et singulis pertinenciis, iacentibus inter villas Woynicz et Lubnicz et alias villas circumiacentes, per plures annos et per multa tempora, quorum inicii hominum memoria non existit, tamen Machnico prefatus, possessor ville Lubnicz, abbatem et conventum monasterii predicti ac homines ipsorum ville Hustyn predicte pascuis, paludibus et pratis dictis infra fines et limites ville predicte Hustyn et ville Lubnicz sitis, temere et violenter spoliavit, fructus inde, videlicet gramen et fenum, per octo annos continue transactos sex marcas grossorum pragensium estimacione omnium valencia, percipiendo et distrahendo pro sue libitu voluntatis in anime sue periculum et dicti monasterii preiudicium et gravamen. Quare petit procurator prefatus, nomine quo supra, per vos dominum reverendum et per vestram sentenciam diffinitivam pronunciari, decerni et declarari, dictos abbatem et conventum ac homines ville Hustin, nomine ipsorum et monasterii predicti ad possessionem pacificam pa-