542 salutem et apostolicam benediccionem. Piis et humilibus supplicum votis illis preserlim, per que animarum saluti consulitur, libenter intendimus illaque favoribus prosequimur oportunis. Dudum siquidem felicis recordacionis Urbanus papa VI. predecessor noster ex certis raciona- bilibus causis ad id eius animum moventibus de consilio eciam fratrum suorum, de quorum numero tunc eramus, et apostolice potestatis plenitudine statuit, ut universi Christi fideles vere penitentes et confessi, qui in anno a nativitate domini nostri Jesu Christi millesimo trecentesimo nonagesimo instante tunc futuro et deinceps perpetuis temporibus de triginta tribus annis in triginta tres annos beatorum apostolorum Petri et Pauli basilicas ac Lateranensem et sancte Marie Maioris de urbe ecclesias causa devocionis visitarent, plenissimam omnium peccatorum suorum veniam consequerentur, ita, quod quicunque vellet huiusmodi indulgenciam assequi, si Romanus, ad minus triginta continuis vel interpollatis semel saltem in die, si vero peregrinus aut forensis existeret, modo simili quindecim diebus ad easdem basilicas et ecclesias accedere teneretur, prout in dicti predecessoris literis inde confectis plenius continetur. Cum autem, sicut exhibita nobis nuper pro parte vestra peticio continebat, vos, qui dictas basilicas et ecclesias ex singularis devocionis fervore et pro salute animarum vestrarum libenter personaliter visitaretis pro huiusmodi indulgenciis et remissionibus assequendis, desiderium vestrum in hac parte ex certis causis racionabilibus nequeatis comode adimplere, pro parte vestra nobis fuit humiliter supplicatum, ut super hoc providere vobis de benignitate apostolica dignaremur. Nos igitur, qui cunctorum Christi fidelium salutem intensis desideriis affectamus cupientes animarum vestrarum saluti, quantum cum deo possumus, salubriter providere, vestris huiusmodi supplicacionibus inclinati, ut confessor, quem quilibet vestrum duxerit eligendum labore personali ac expensis, quos in veniendi standi et redeundi itinere, si ad ipsam urbem, ut premittitur, personaliter venissetis, passi fuissetis, in alia pietatis opera per eundem confessorem commutato vobis auctoritate nostra concedere valeat, quod vos vere penitentes et confessi loco visitacionis basilicarum et ecclesiarum predictarum aliquas ecclesias illarum parcium, de quibus dicto confessori videbitur, quindecim continuis vel interpollatis diebus semel saltem in die infra annum huiusmodi si comode poteritis, alioquin infra festum resurreccionis dicti domini nostri Jesu Christi proxime venturum visitandi perinde assequamini indulgenciam et remissionem huiusmodi, ac si basilicas et ecclesias urbis predictas personaliter visitaretis, devocioni vestre tenore presencium auctoritate apostolica indulgemus. Volumus autem, quod ea, que oblaturi fuissetis basilicis et ecclesiis urbis predictis, ad basilicas et ecclesias ipsas quemtocius teneamini fideliter destinare. Nulli ergo omnino hominum liceat hanc paginam nostre concessionis et voluntatis infringere vel ei ausu temerario contraire. Si quis autem hoc attemptare presumpserit, indignacionem omnipotentis dei et beatorum Petri et Pauli apostolorum eius se noverit incursurum. Datum Rome apud sanctum Petrum IV. nonis Decembris, pontificatus nostri anno secundo. (Orig. Perg., die Bleibulle abgerissen, in den Akten des Klosters Velehrad im mährischen Landesarchive.)