49 liberalitate regia per literam, sue Majestatis sigillo sigillatam, fecit graciam specialem, cujus litere tenor per omnia sequitur in hec verba: Karolus quartus etc. Datum Prage anno domini millesimo trecentesimo septuagesimo sexto, indiccione quarta decima VIII. kalendas Januarii. (Vid. n. 56.) Prefatus itaque dominus noster imperator nobis mandavit vive vocis oraculo, ut ad dictam exempcionis, privilegii et libertatis graciam in prefata litera expressam consensus nostri literam prefatis civibus Olo- mucensibus dare et tribuere deberemus, nosque qui mandatis eiusdem domini nostri impera- toris obedire continue sumus prompti, ad eandem libertatis graciam nostrum consensum benivolum tribuimus, videlicet quod dicti cives de Olomuncz de illa gracia et prerogativa in emendo et vendendo res et merces quascunque in dicta nostra civitate gaudere libere debeant et potiri, quibus cives Brunenses gaudent aput nos et quomodolibet pociuntur, tamdiu, quousque prefatus dominus noster imperator aut heredes vel successores sui Boemie reges illam libertatem non duxerint revocandam. In quorum testimonium sigillum dicte nostre civitatis ex certa nostra sciencia presentibus est appensum. Datum Prage anno domini millesimo trecentesimo septuagesimo sexto, XXIX die mensis Decembris. (Orig. Perg. h. Sig. im Olmützer Stadtarchive.) 58. Erhart und Ceněk Brüder von Butschowitz kaufen auf ihre Lebenszeit vom Kloster Velehrad das Dorf Potvorov. Dt. 1376 sine d. et l. Nos Erhardus et Czenko fratres germani dicti de Pudischwicz constare volumus tenore presencium universis. Quod reverendi domini videlicet dominus Johannes abbas et totus conventus monasterii Welegradensis nobis villam suam Potwaricz ad nostras vitas pro decem et ducentis marcis grossorum denariorum pragensium, moravici numeri et pagamenti modo actu receptis, cum omnibus et singulis ad eam pertinentibus vendiderunt ibidem omne dominium penitus abnegando, illud in nos conferendo sub condicionibus talibus tamen, videlicet, quod steuram regalem duodecim scilicet marcas dictorum denariorum, quando et quociens terre Moravie generaliter fuerit indicta stuera ipsa, qualibet mora propulsa debeamus expedire et ad monasterium ipsorum fideliter presentare. Quod si non fecerimus effective, extunc dictas duodecim marcas totas vel quamlibet ipsarum partem non expeditam sub dampnis nostris apud christianos vel judeos, ubi comodius eis videbitur expedire, acquirere liceat et nichilominus plenam et omnino liberam habebunt potestatem deinceps homines, subsides nostros ubilibet prensos arrestandi, occupandi, inpignorandi et detinendi tam diu, donec ipsis et dicto monasterio ipsorum tam de dictis duodecim marcis quam de universis et singulis dampnis in acquisicione ipsarum racionabiliter contractis integre fuerit satisfactum. Si autem ipsa villa desolaretur per disturbium terre generale et illud esset evidens, tunc solummodo steuram dabimus de locatis. Concedunt eciam nobis dicti domini, quod memoratam villam vendere et exponere possimus eo iure, quo ab ipsis eandem dinoscimur emisse. Postquam autem diem