144 155. Markgraf Jodok bestättiget dem Kloster Bruck alle Privilegien seiner Vorgänger. Dt. Znaim 11. Juni 1379. odocus dei gracia marchio et dominus Moravie notum facimus tenore presencium universis. Si quorumlibet subditorum nostrorum amplianda sunt comoda et si ad ipsorum procurandos honores et profectus ex debito officii nostri intendere advertimus, singularius tamen illorum profectus, comoda et honores diligimus, qui mundi vanitate contempta sub debite religionis honore omnipotenti deo militant et indefesse oracionis studio eius miseri- cordiam invocant, in cuius manu salus omnium rite consistit, qui magna virtute sanat et percutit et in se sperantes nullo modo dereliquit. Sane in nostri constitutus presencia vene- rabilis et religiosus .. abbas monasterii Lucensis, ordinis premonstratensis nobis supplicavit instancia diligenti, ut privilegia, libertates, emmunitates, indulta et consuetudines sibi et monasterio suo Lucensi concessa et concessas, data et datas, servata et servatas innovare, ratificare et confirmare dignaremur. Nos igitur eiusdem .. abbatis precibus velud iustis et racionabilibus favorabiliter inclinati universa et singula privilegia, libertates, jura, emmuni- tates et indulta per dive recordacionis reges Boemie et marchiones Moravie predecessores nostros monasterio prefato concessa et data, concessas et datas necnon laudabiles consue- tudines apud idem monasterium eiusque personas, homines, possessiones et bona hactenus observatas in toto et in parte sui qualibet ratificamus, innovamus, approbamus et presentis scripti patrocinio confirmamus ab omnibus et singulis nobilium, baronum, judicum, justicia- riorum, burggraviorum et officialium nostrorum quorumlibet jurisdiccionibus, dacionibus, iussionibus, mandatis et preceptis quibuslibet supradictum .. abbatem, eius monasterium necnon homines et subditos eiusdem monasterii virtute presencium eximimus et nostre tuicioni et camere solummodo reservamus, volentes ut ipsis non pareant nec obediant in aliquo, sed in omnibus agendis et causis ipsorum ad nos recurrant decetero vel ad hunc, quem ad hoc duxerimus deputandum. Decernentes, ut de bonis subditorum supradictorum .. abbatis et monasterii nullus se presumat intromittere, sed ipsa debent ad eiusdem .. abbatis, qui nunc est et pro tempore fuerit, disposicionem perpetuo pertinere. Mandamus igitur universis et singulis baronibus, nobilibus, burggravis, justiciariis et officialibus nostris quibuslibet, qui nunc sunt vel pro tempore fuerint, seriose, quatenus de bonis et rebus subditorum et ho- minum supradictorum .. abbatis et monasterii in vita seu morte se non presumant intro- mittere nec in bonis eiusdem monasterii iudiciis presidere, casibus in eorum privilegiis dumtaxat exceptis, neque eciam supradictum abbatem et eius monasterii homines audeant in aliquo perturbare, prout propria pericula et gravissime nostre indignacionis offensam voluerint evitare. Presencium sub appenso nostro sigillo testimonio litterarum. Datum Znoyme anno domini millesimo trecentesimo septuagesimo nono, sabbato infra octavas corporis Christi. (Auf der Plicatur: Ad mandatum domini.. marchionis Nicolaus prothonotarius. — Orig. Perg. an weissen und rothen Seidenfäden h. Sig. im mähr. Landesarchive.)