418 in judicio temporali, quam eciam spirituali. Quam eciam literam velut restituta fuerit, ab omni nostro jure habito et habendo vigore presencium quittam, nichil nobis in eadem juris reservantes, reddimus liberam et solutam. In cuius rei firmitatem perpetuam sigillum nostrum, in testimonium vero nobilis domini Georgii de Wetaw, qui prefate litere gwittacioni affuit. sigillum presentibus duximus appendendum. Scriptum Modricz anno domini millesimo trecen- tesimo octuagesimo octavo, XI die mensis Maii. (Orig. Perg. mit 2 h. kleinen, gut erhaltenen Sig. in den altständischen Akten des mähr. Landesarchives.) 477. Sigismund, König von Ungarn, schliesst mit K. Wenzel IV. von Böhmen, Jodok, Markg. von Mähren, und Johann, Markgrafen der Lausitz, ein Schutz- und Trutzbündniss. Dt. Sempte 20. Mai 1388. Digismundus dei gracia rex Hungarie Dalmacie Croacie rc. notumfacimus tenore presencium universis. Quod ob intimi amoris fragranciam et sincere dileccionis affectum, quibus serenissimum principem dominum Wenczeslaum dei gracia Romanorum regem semper augustum et Bohemie regem, fratrem, illustres principes Jodocum marchionem Moravie, patruum, ac Johannem ducem Gorlicensem et marchionem Luzathie, germanum, nostros carissimos, pia frequenter caritate complectimur, ad hoc singulari quodam ardore innitimur, qualiter inter ipsos et nos firmare possimus indissolubilis vinculi unionem, ut sic inter nos mutua caritate vigente, pacem terris, tranquillitatem fidelibus et nobis utrimque profectum et commodum procurare finaliter valeamus. Eapropter animo deliberato, sano fidelium nostrorum accedente consilio et de certa nostra sciencia promittimus et pura fide spondemus pro nobis et heredibus nostris Hungarie regibus, cum predictis fratre rege Wenceslao et Jodoco marchione, patruo, ac Johanne duce, germano, nostris et heredibus ipsorum in firma et constanti liga et indissolubili unione manere, ipsisque adversus unumquemque hominem, regem, principem, et cuiuscumque dignitatis gradus seu condicionis existat, qui terras, prin- cipatus et dominia regni Bohemie et aliorum regnorum ad coronam regni Bohemie ac marchionatus Moravie et Luzathie ac ducatum Gorlicensem antefatos, pertinentes invadere, molestare seu alias opprimere conaretur, cum terris nostris necnon omni qua valemus potencia diligenter assistere et fideliter subvenire. Ita videlicet, quod si ipse rex frater et marchio patruus, ac Johannes dux germanus nostri vel alter eorum coniunctim, seu divisim aut heredes eorum extra metas regnorum et dominiorum suorum hostilem processum contra vicinos et confines eorum adversarios vel eorum alterum habuerint, extunc ad peticionem ipsorum gentis nostre armigere et sagittarie subsidio et auxilio, prout melius poterimus, ipsos et heredes ipsorum, nos et heredes nostri adiuvare sine fraude et dolo promittimus et debemus. Si autem metas predictorum regni Bohemie et dominiorum ipsorum quispiam vel quipiam eorundem adversarii intraverint, ipsos vel heredes eorum ac regna et dominia ac ducatum antefatos cum pertinenciis ipsorum potenter et hostiliter invasuri. extunc nos et