309 337. Der Abt des Brucker Klosters, Zacharias, bestättigt die Schenkung eines Lahnes in Borotitz, welche der Brucker Profess Johannes zum Behufe eines Anniversares diesem Kloster machte. Dt. Kl. Bruck 2. Oktober 1384. Nos Zacharias divina miseracione abbas monasterii Lucensis, ordinis Premonstratensis, diocesis Olomucensis notum facimus tenore presencium universis. Quod dilectus in Christo frater noster Johannes, infirmarius, monasterii nostri professus regularis canonicus constitutus in nostri ac Pauli prioris, Jaroslai subprioris tociusque . . conventus monasterii nostri antedicti presencia publice recognovit et fatebatur expresse, quomodo ipse maturo consilio sanaque deliberacione prehabitis de propriis rebus sibi a deo collatis ipsiusque diligencia pariter et laboribus penitus acquisitis post plura tedia atque multiplices fatigas spiritus sancti gracia sibi divinitus inspirante, cupiens iusta meditacione celitas exinde sibi acquirere mansiones, ad laudem altissimi glorioseque virginis Marie, sue matris, atque omnium sanctorum et notanter ad honorem sancti Wenceslai gloriosi martiris, in cuius honorem monasterium Lucense a sui primaria fundacione extitit dotatum pariter et fundatum, ubi quidem a sui puericia ipse est nutritus et educatus, pro religiosis .. fratribus presentibus et futuris nostri conventus antedicti unum laneum in villa Boroticz boemicali, censuantem annuatim unam marcam moravicalem grossorum, a Liczkone de Lilcz alias de Durlas pro decem marcis grossorum pragensium, moravici pagamenti, sexaginta quatuor grossos pro marca qualibet computando, rite emit ac iusto titulo empcionis racionabiliter comparavit, per ipsos hereditarie tenendum, habendum, possidendum et perpetuo in ipsorum usum convertendum secundum disposicionem inferius annotatam. Quem quidem laneum sanus mente atque corpore statim ibidem pro salute anime sue ipsis fratribus .. conventus libere et expresse resignavit pariter et legittime deputavit faciens ex eo sibi verum et legittimum testamentum in hunc modum exequendum. Primo et principaliter, quod in dicto monasterio Lucensi quolibet anno ipso die sui obitus anniversarius ipsi fratri peragatur iuxta morem et consuetudinem nostri ordinis antedicti servatam ab antiquo et quod eciam ipsis .. fratribus conventus de illa marca census pro vigiliis, commendacionibus et missis, pro solacio prandii media marca grossorum totaliter assignetur. Residua vero media marca predictorum grossorum transeat ad communitatem fratrum .. conventus predictorum, prout ipsis expedire videbitur convertendum. Supplicans nobis tamquam suo prelato humiliter et devote, quatinus ad predictam resignacionem ipsiusque lanei deputacionem in testamento sic assignato nostrum consensum pariter et assensum dignaremur generosius adhibere et sibi de ipso favere pro gracia speciali. Nos vero ipsius supplicacionibus tamquam iustis et racionabilibus benignius inclinati ad predictam resignacionem lanei supradicti in via, ut predicitur, veri et legitimi testamenti in omni modo et forma, ut premittitur, nostrum consensum damus pariter et benivolum assensum, volentes et auctoritate nostra decernentes, quod predicti fratres nostri dictum laneum, unam marcam censuantem, sicut premittitur, acceptent, suscipiant et se de eodem cum effectu intromittant, necnon iuxta