405 464. Bestimmungen über das Einlager. Dt. 1387. Wir Jost von gotes gnaden marggraf und herre zu Merhern, und wir Procop von denselben gnaden auch marggraf zu Merhern, und wir dy lantherren desselben landes zu Merhern bekennen, daz wir mit rate und willen der erbern manne burgermeister, richter und gesworn schepfen der stat zu Brünne, und wir egenanten burgermeister und gesworn schepfen der stat zu Brünne bekennen, daz wir durch gemeynen nutzs ere und czirheit unser stat gemachet und geseczt haben: Item. Do zwayung zwischen den ynlegern und zwischen den wirten gewest ist, do haben wir dorumb zu eynem rechten funden in yeglecher stat und markte, daz welicher man, herr odir knecht, der do ynliget und laistet, der sol sich als erberkleichen ynhalden und so zuchtleichen, daz er nymande laydige mit werken adir mit worten. Und wer sich als erbercleichen und so zuchtlichen helt, den sol nymand ouch laydigen. Item der wirt sol yeden herrn zwen gros und dem knecht eynen grossen auf yeglich male rechen und nicht mer, und für das trinken den ganzen tag für bayde mal für yeglichen herren und sein knecht drey gros über tisch und nach tische. Aber der wirt sol yn bir genug geben über tische beyd mal, des ein mass zwen haller gilt, der vierundzwainzig ein grossen gelten. Und sol auf yglich pfert tag und nacht eyn halben metzen habern und heu für eyn halben grossen geben umb yr pfenning als in der herberg gewonhait ist. Und die ynleger, die da laysten, die sullen alle viertal yars mit dem wirt abrechen und was sie schuldig beleiben, das sullen sye zuhant beczalen mit bereitem pfenning. Item. Welicher herre baden will, der sol dy wochen eyn grossen von dem wirt haben mit seinem knechte und nicht mer; das ist versteen auf der herren dyner, die do dy iren an irer stat senden. Item die leister sullen bedenken das hausgesinde gütlich und liplich für ir müe und arbeit. die yr worten. Actum anno domini MCCCLXXXVII°. (Orig. Papier mit beigedrücktem Sig. im mähr. Landesarchive. — Vgl. n. 427 d. Bandes.— Auch im Codex des Brünner Stadtarchives n. 34 p. 66 ist diese Bestimmung über das Einlager eingetragen und folgende für Brünn geltende Anordnung beigesetzt: Item. Wir haben hernoch geseczit und gemachet, das yeder gastgeb nicht mer denn von eynem gerechten meczen, als er yn kauft uf dem markt, zwen pfennig zu gewinn nemen sal und sal die mas gerecht sein als er sie kauft. Item. Die fütrer, die habern für kaufen, die sullen nicht mer gewinnen an eynem marktmeezen denn eyn pfenning. Und an welcher stat der mecz kleiner ist wenn zu Brünne, die mugen auch darnach ir fütrer und gastgeben gewinn lassen nemen. — Dass obige Bestimmungen über das Einlager zur gesetzlichen Landesgewohnheit wurden, zeigt die nachfolgende böhmische Urkunde, welche Ctibor von Cimburg in die Kniha Tovačovská aufnalim.)