142 a parte inferiori, circumdatus eciam campo dominarum sanctimonialium monasterii Aule sancte Marie in Antiqua Brunna, qui campus pertinet ad magnam curiam videlicet inferiorem in dicta villa Huswicz ex una parte et agrum cuiusdam civis Brunnensis, Luestenzagl dicti, parte ex altera. Secundus vero ager, Ryemer appellatus, iacet penes viam publicam, quam tangit a sinistris, per quam eciam itur de dicta villa Zabirdowicz in villam novam et iam dictum magnum agrum dominarum sanctimonialium predictarum ex una, parte vero ex altera agrum Michaelis, in Turri dicti, civis Brunnensis. Tandem ut omnis contencionis materia frustraretur inter nos et sopiretur, composicione, ordinacione et arbitrio honorabilium et discretorum virorum dominorum Johannis, sancti Jacobi, Nicolai, omnium sanctorum ecclesiarum plebanorum et rectorum, ac Johannis Oertlini et Wilhelmi sartoris civium Brunnensium interveniente super antenotatis decimis propter pacis perpetue tranquillitatem in talem amicabilis compo- sicionis et concordie devenimus unionem, quod nos prior et conventus predicti nostrique successores de predictis duobus agris abbati et monasterio Zabirdowicensi octo capecia ano- narum quocumque semine sive grano seminatarum super ipsos agros perpetuis temporibus quolibet in anno, in quo tamen iidem agri fuerint seminati, sexaginta manipulos pro uno quolibet capete computando, pro decima dare et porrigere debemus et tenemur. Si vero ipsi agri duplici semine seminantur, extunc de quolibet agro eiusdem grani seminati quatuor capecia dare obligamur, ut semper in minimo octo capecia sint et existant. In casum vero, si unus illorum duorum agrorum maior vel minor fuerit seminatus, extunc eiusdem grani decime, videlicet octo capecia modo, ut prefertur, per nos dicto abbati et suo conventui sunt porrigenda. Ea eciam condicione interposita, quod nos et nostri successores annonas nostras de dictis duobus agris nequaquam movere neque deducere debemus, nisi prius abbati vel procuratori aut vice et nomine ipsius certo suo nunccio decima ipsa fuerit per nos assignata et exposicionem ipsius decime nos et nostri successores, qui pro tempore fuerint, abbati et conventui predictis per certum nunccium nostrum debemus intimare. In casum vero, ubi dictus abbas vel sui successores decimam a nobis recipere tardarent, propter quod nobis et monasterio nostro dampnum in annonis nostris posset inminere, extunc licite et libere nos et procuratores nostri annonas nostras absque quolibet impedimento abducere possumus et importare. Item antenotati arbitratores cause arbitraverunt, quod omnes et singuli agri alii nostri monasterii ad curiam nostram in Chungsfeld pertinentes ab omni dacione decimarum quarumlibet liberi esse debent prout sunt et exempti, duobus agris superius ex- pressis duntaxat exceptis. Ultimo vero annotati honorabiles ambarum partum arbitratores necnon amicabiles prenotate cause compositores de bona nostrarum ambarum partum voluntate omnia et singula premissa per nos insolidum parte ex utraque dictaverunt, pronuncciaverunt, et arbitrati sunt firmiter et inviolabiliter observari sub pena sexaginta marcarum denariorum pragensium moravici numeri et pagamenti, que pena tociens exigi possit insolidum, quociens contra dictum arbitrium vel aliquid eius capitulum fuerit factum sub ypotheca bonorum quorumlibet utriusque partis, ita quod pars inobediens et contra dictam ordinacionem faciens dare et solvere teneatur penam annotatam, videlicet viginti marcas grossorum domino episcopo Olomucensis dyocesis nostro, alias viginti marcas arbitratoribus sive arbitris annotatis, terciam