132 dem neun und sibenzigsten jare an dem nesten dinstage noch dem suntag, als man in der heiligen kirchen singet Circumdederunt. (Aus dem Codex II. fol. 108 im Olmützer Kapitelarchive.) 143. Das Obrowitzer Kloster und der Brünner Canonicus Bartholomaeus schliessen einen Vergleich bezüglich des Zehendes, welchen derselbe Canonicus von einem Acker bei Husowitz dem Kloster zu geben hatte. Dt. Brünn 20. Februar 1379. Nos Jaroslaus divina providentia abbas, Joannes prior, Joannes subprior totusque conventus monasterii Zabrdovicensis premonstratensis ordinis, olomucensis diocesis recogno- scimus tenore presentium universis. Quod quondam motis et habitis questionibus, litibus seu controversiis inter nos ex una et honorabilem virum dominum Bartholomeum canonicum ecclesie sancti Petri in Bruna parte ex altera pro decima cuiusdam agri ad curiam superiorem in villa dicta Husswicz pertinente, que villa ad nostram parochiam videlicet ecclesiam sancte Marie virginis pertinere dinoscitur, qui ager iacet a sinistris vie publice, qua itur a civitate Brunensi in viam Huswicz, tangens magnum agrum nostri monasterii predicti et agrum religiosarum venerabilium dominarum abbatisse et conventus monasterii Aule regine in Antiqua Bruna eiusdem diocesis, cisterciensis ordinis, de quo agro dictus dominus Bartho- lomeus nobis et dicto nostro monasterio decimam dare recusabat, cuius hominem et posses- sorem dicti agri ad dictam curiam spectantis Pragam citare procuraveramus. Tandem vero nobis et dicto domino Bartholomeo placuit mutuo consensu, ut omnium questionum et litum materia frustraretur et cessaret, ipsam eandem causam venerabilibus viris et dominis, domino videlicet Nicolao preposito Brunensi et domino ac magistro Pertholdo plebano, fautoribus et amicis nostris perdilectis, commisimus decernendam in ipsos tamquam in amicabiles com- positores pure compromittentes. Qui assumpta composicione dictam causam dei nomine invocato taliter ordinaverunt et pronunciaverunt, quod quicunque possessor fuerit iam dicti agri et curie iam dicte nobis et monasterio nostro Zabrdovicensi det omni anno inperpetuum quinque metretas triturati siliginis pro decima, quam debet portare et mensurare in monasterio nostro, licet seminet vel non seminet in agro iam dicto, semper dare tenetur, ut dictum est, sine omni dilacione in die sancti Michaelis archangeli vel proxime sibi sequenti, omni anno. Quam pronunciacionem et ordinacionem dictorum dominorum ego Bartholomeus canonicus sancti Petri de consilio canonicorum fratrum meorum tamquam verus dominus agri supra dicti approbavi, ratificavi, laudavi, approbo, ratifico et laudo et ratam habeo. In cuius rei testimonium sigillum meum apposui et sigilla ad preces mei Bartholomei honorabilium virorum videlicet domini Nicolai prepositi ecclesie sancti Petri ac magistri Bertholdi plebani sunt appensa. Datum et actum in domo prepositi Brunensis vicesima secunda die Februarii anno domini millesimo trecentesimo septuagesimo nono. (Annal. Zabrdovicenses fol. 93.)