239 — er sei Purger, gebaur oder lantman, der sol deme richter vervaln sein mit leib vnd mit gute vnd dar zu svln deme Richter beholfen sein die Purger vomme rate. So sol der richter ouch den Purgern hin wider beho(l)fen sei(n), ditz gesetze zu behertene, swa sie sin bedurfen. Darnach swer furbaz vmmer mer keinen lantman oder gebaurs man, der ge- vangen wirt, vf swes gute der sitzet, der gevangen wirt, des gevangen herre, vf des gute er sitzet, sol in nemen vnd sich vnterwinthen als des, daz er hat, ez sei, swa ez sei, also lange er gevangen ist vnd dar nach, biz er dervert, daz er nicht teurre oder hoher von ime selben oder von vremden leuten gelost ist, den da vor gesc(hrijben sted; vnd swer ge- lost wirt von vremden leuten mit sinen willen teurre, der sol seime herren vervaln sein mit leib vnd mit gute, also daz sein gut ime noch keime sime erben oder vreunde mit keinerleie gunst oder geverde gevalle oder wider w(er)de, vnd swa daz des guts herre nicht enhilte, so sol ein richter zu Eger gewalt dar vher haben. Der nach swelch man vfme lante ledig wirt, dem sol sein herre sin gut nicht widergeben, ern berichte denne vor ime mit deme eide, daz er nicht teurre geledeget sei mit sinen willen, den der stat vnd des lants gesetze sei, vnd sol denne daz in den eit nemen fur sich vnd vor sine vreunt; hab in jeman gele- deget, vremde oder bekant, teurre, denne da vor gesc(hrijben stet, vnd swen er daz der var, daz er daz deme richter zu Eger kvnt tue, vnd daz er oder kein sin vreunt dem selben loser numer gedanke mit worten oder mit w(er)ken oder kein sin gut drume lazen, ob er ez inne hat, oder schult oder mit keiner slachte dinge. Dar vber, swer besaget wurde fur war, daz er sin nicht enhilte, der sei aber seime herren leibs vnd guts vervaln, als vor. Lost aber jeman keinen lantsman teurre, den gesetzet ist, der selbe loser, er sei Purger, gebauer oder lantman, der sol deme richter vervaln sein mit leib vnd mit gute. Darnach, wirt kein vrowe gevangen, daz man sie icht lose oder daz sie jemannen lose, daz sol in alm dem gesetze vnd glubde sten, als da vor gesc(ri)ben ist. vnd die vorgesc(hrijben gesetze han wir vorgenanten Purger gemeinlichen mit dem lantvolke gesworn, stete zu be- haltene Ewiklichen an als geverde, vnd swern vnd globen ez an disem briefe vnd han mit vns globt die vorgenanten Orden vnd ir leute vnd dar vber ist gelobt, swer daz gesetze bricht oder dazu nicht beholfen ist, swen mans in dermant, der sol trewelos vnd meineidig sei(n) ime selben vnd allen leuten. vnd zu einer ewigen bestetigunge han wir disen brief besigelt mit vnser stat Insigel, daz an disem brife hanget. Dirre brief ist gegeben, da man zalte von gotsgeburte Dreuzehen hvndert jar, dar nach in dem sibenzehenden jare, an dem nesten Svntage nach dem tage, den man heizet den Obersten.“ (Or. a. Pg. mit dem bekannten gr. S. im Egerer Stadtarchive.) (645) Anm. Der Creuzer man = Unterthan des deutschen Ordens zu Eger; Spiteler = Kreuzherren, vrowen- imme klokter = Nonnen zu S. Clarae. 1317. Jän. 9. Bruder Meinhart Swindel, Comenteur, und die Brüder gemein des deut- schen Hauses zu Eger einigen sich mit ihren lieben purgern zu Eger, das Gesetze und das Gebot der Stadt wegen der Auslösung von Gefangenen selbst und mit ihren Leuten auf dem Lande zu halten. Gegeben 1317, an dem nesten Svntage nach deme tage, den man heizt den Obersten. (Or. a. Pg., S. an Perg.-Streifen links der Mitte des Unterrandes, im Egerer Stadtarchive. Siegel: S. Commendatoris in Egra, Bild s. Siegeltafel zu Mon. Egr. II.) (646)