Gloriosus Deus in sanctis suis et in maiestate mirabilis, ob merita clarissimi Patris nostri sancti Augustini doctoris eximii, novo semper fetu sacre nostre religionis ecclesiam suam fecundare dignatur in fines orbis terrarum ordinem extendendo et ampliando prefatum. Ex huiusmodi vero multiplicacione con- ventuum et locorum necesse fit, ut una quandoque provincia dividatur in duas, ne ex finibus provinciarum nimium dilatatis conventus paciantur in spiritua- libus et temporalibus detrimentum. Cum igitur provincia Bavarie, disponente clemencia Salvatoris, ut dicitur, in suis terminis diff lusa et ampliata conven- tibus, utpote per ducatuum Bavarie, Carinthie, Austrie, marchionatus Moravie, Boemie, Polonie regnorum ambitu[m] continetur, ultra quadraginta loca ordinis nostri pacifice obtinens et possidens infra terminos supradictos, continue loca alia de novo similiter adquirendo, propter quam excessivam distanciam per priorem provincialem eiusdem nequit dicta provincia annis singulis com[m lode visitari ac expensarum excessivis honeribus aggravetur, cum ad capitulum pro- vinciale fratres singulorum conventuum ire contingat iuxta morem ordinis su- pradicti, ut ea silencio transeamus, que procurante satore malorum per raptores et expoliatores fratribus ipsis gravamina cot[t idie fiunt ad loca itinerantibus tam remota, que fratres Boemie, Polonie et Moravie diligencius attendentes, apud nos et diffinitores nostri generalis capituli in Monte Pessulano de proximo celebrati, tam literis suis, quam vive vocis oraculo, necnon literis Serenissimi principis, domini Karoli, divina favente gracia Romanorum imperatoris semper Augusti et Boemie regis, precibus efficacibus induxerunt, ut dictam provinciam Bavarie dividere deberemus duas ex ea provincias faciendo, unam que Boemie, Polonie et Moravie districtibus integraretur, reliquam [que] Bavarie, Austrie et Carinthie districtus includeret, quorum peticionibus tamquam racionabilibus annuere satis nobis visi sunt diffinitores capituli generalis. Quia tamen res ardua videbatur, ut in ea procederetur cum maturitate maiori, tunc divisionem iam dictam minime facientes, eam per nos, si videretur fienda, nobis committere decreverunt. Nos vero expectantes super hoc vota fratrum provincie supradicte congregandorum in suo provinciali capitulo proxime celebrato et informacione ab eis recepta necnon intellectis racionibus et motivis eorum tam Boemorum quam eciam Bavarorum habitoque super hoc consilio et tractatu plurium vene- rabilium in sacra pagina magistrorum ac aliorum fratrum proborum, dum esse- mus apud Perusium personaliter constituti, causis et racionibus maxime nos moventibus supradictis provinciam ipsam vestram auctoritate commissionis pre- dicte in duas provincias dividimus presencium in tenore decernentes, ut de cetero due provincie habeantur, scilicet una, que districtus Bavarie, Austrie et Ca- rinthie comprehendat et provincia Bavarie nuncupetur, alia Boemie, Polonie 46