18 — 1491 Juli 11. dem knechte stehen lassen, den andern tag fur Margarete auf ein rolwagen gesessen in meynung, gein Ofen zu komen. auf dem Schiltperg auf vier meylen van Ofen jemmerlichen und cleglichen sein gnad, Keller, richter und der furknecht ermordt, erslagen und alles bey in gefunden berawbt und genomen worden. der selbe seiner gnaden knecht Nicolesch, als er das zu Wyem[?] vernomen und den grundt erfaren, dy cleglichen und jemerliche mere an heym geim Elbogen bracht, desz sich arm und reych grosz beweynt, bekomert sulchs jemer- liches todesz und nicht unpillich ires ermorten hern tod jemer- lichen beclagt und betracht haben. ist sein gnad gein Wyen gefuert, und dy andern drey an der walstadt auf dem Schiltperg begraben. do selbst sint drey creutz in ein eychen gehawen und noch stehen, dy ich gesehen hab. 1) Wy wol her Jeronimus zur zeit seins lebens ein ge- schefte gethan, wes sich seine kinder noch im halten, sint sy doch als dann unmundig gewest. dasz ire gesipte frunde erkant und den wolgeboren hern hern Caspar Slick, hern Jeronymus bruder etc., dy herlickeyt und stad Elbogen drey jaer noch ein ander gesatzt und regment gelassen. also hat sein gnad dasz regiment angenomen. und zu ausgang der dreyer jare im sechs und newnzigistin jare am vier und zweynzigistim tage des manidz may hat her Caspar Slick entgegen hern Niclosz Slick Jorg Voygt van wegen hern Sig- mundz van Swartzpergk fur eim erbern rath stad Elbogen und entgegen der erbern und vesten Jorgen vam Reytzenstein, Mathis Vnrver und viel andern fromen, glaubwirdigen leuten den hern Sebastiano, hern Quirino und hern Albrichten ge- brudere, hern Jeronymus kinden, seins einnemens und aus- 1) Eine neuere Glosse bemerkt, dass Hieronymus Schlick zu Wien in der Karmeliterkirche begraben worden ist. „Hieronymus Herr auf Elbogen, deutscher Lehenhauptmann im Königreich Böhmen, ist A. 1491 in Hungarn aufm Schiltberg zwischen Ofen und Gran erschossen worden. Liegt zu Wien in dem Carmeliten- kloster, wie es heut zu Tag die Grabschrift ausweiset, begraben.“ (Bru- schius Fichtelberg S. 27).