62 vehsten Mathis Hisserlen, der sich van wegen einer ganzen gemein in diesen sachen viel und ofte getreulich gemuhet, rath genomen, sulchen handel anzunemen gebeten, sich nicht sewmen, sunder an dy ko. mt. zu prengen, angesehen des inhalt desz recesz, das sein k. mt. den vam Elpogen irer gehapten privilegien wider umb newe freyheyt, wes sy be- weysen mugen, geben und in mit etlichen kuntschaften und brive an sein k. g. verfertigt und geben; der denn mit grosser, swerer muhe alleine umb gerechtickeit der vam Elpogen sich an dy ko. mt. gemuhet, durch hulf seiner hern und guten frunden diz privilegium und confirmazen zu einer ewigen, festen, steten haltung einer gantzen gemein gnediglichen ausbracht und erlangt, des im dy vam Elpogen nicht unpillich dank sagen sulten und kunftiglich nicht vergessen. dasz selbige privilegium in sich also helt, van wort zu worte lauttend: 17b. Wir Wladislaus van gotz gnaden zu Hungern, Behem, Dalmatien, Croatien etc. konigk, marggrave zu Merhern, herzog zu Lutzenburgk und in Šlesien, marggrave in Lausitz etc., bekennen offenlich fur meniglich, dasz in ob verschynnen jaren fur uns komen sein dy fursichtigen burgermeister, rath- man und gemein unser stad Elbogen, unsere liben getreuwen, und haben uns claglich zu erkennen geben, wy in dy edeln Niclosz und etwan Jeronymus 1) Slick, hern zur Weiskyrchen, auch unsere getreuwen, da sy dy selbe stad uberfallen, viel ausz unsern burgern ausgetriben, auch gemeiner stad alle und itzliche freyheyt, privilegia, brive und gerechtickeit genomen haben, uns demutiglich betend, das wir in ausz koniglicher milde umb gotis und gerechtickeit wille geruchten so gnedig zu sein, sulche in genomen und entwente privilegia wider zu geben und zu vernewen. das haben wir in jener zeit in ansehung irer treuw und dienst bey unsern forfaren der cron Behem und uns erzeigt, da durch sy dan das mal in ver- terblichen schaden komen und obgemelter irer privilegia ge- waltlich beraubt sein, gnediglich zugesagt: so viel sy und durch glaubwirdigen schein anzeigen muchten, fur uberfallung und einnemung der stad privilegia gehabt und gebraucht hetten, so viel wulten wir in und gemeiner stad widergeben 1) Vor „Slick" steht am Rande von anderer Hand geschrieben: „ge- brudere.“