204 relinquentes. ut pro hiis et aliis culpis homines suos pena debita puniat. in usus monasterii quicquid ex culpa prouenerit conuertendo. Ut autem nostra relaxatio et constitutio robur obtineat ueritatis. presentem paginam testibus subscriptis nostri sigilli caractere fecimus consignari. Acta sunt autem hec coram nostris fidelibus uidelicet. Witkone antiquo filio Witkonis. Wata subcamerario. et Bouzlao fratre eius. Zbrazlao subpincerna. Zlau- nicho subdapifero. Drislao marsalcho. Jurik noscone. Petro milhozti filio. Ztrezimiro caluo. Milata de Morauia. Daleborio filio daleborii. Voyzlao canonico de Zaska. Magistro abdone. Petro capellano de nehanic. et aliis multis. Datum anno dominice incarnationis M. CC. XX. VIII. concurrente VI. Regni nostri anno primo. Amen. E duobus originalibus ejusdem monasterii, quorum primum cum duobus sigillis appensis in registratura c. r. Gubernii Moravici, alterum in museo adservatur. CLXXXIX. Constantia, regina Boemorum, civitatem Hodonjn (Göding) secundum jus Teutônicorum locat, eique jura et libertates elargitur. 1228. C(onstantia) dei gracia Bohemorum Regina, vniuersis Christi fidelibus presentem paginam inspecturis salutem in vero salutari. Sciant presentes et posteri, quod cum villicum nostrum Petrum fures et latrones et alii malefici interfecissent in Godingen super regale ciuileque ius nostrum conuocauimus viros honestos Theutonicos, et locauimus in ciuitate nostra tali iure: vt nulli dominio subditi essent, nec ulli seruirent, nisi michi et filiis meis. Item talem potestatem eis etiam tradidimus, quod nullus iudex dominaretur eis, nisi quem ipsi voluntarie eligerent. Et hec iura censualia sunt XXX denarii de laneo, de subside agrum habente XII denarii, de subside agro carente VI. Quicunque braxauerit ceruisiam, XII de qua- libet braxatione. In lite cum aliquis se defendendo affugerit ad propriam domum, si aliquem occiderit, tenetur mortuus talem culpam soluere. Infra Rastam unam nullus presumat cereuisiam braxare, et si quis presumpserit, abiudicatus est bonis suis et collo suo. Fur siue falsarius, si inuentus