181 CLXXVI. Leopoldus, dux Austriae et Styriae, confirmat fratribus hospitalis s. Joannis jus patronalus ecclesiarum in Wolkenstein, Pataviensis, et in Erdburg, Olomucensis dioecesis. Dt. in Nova civitate IV. Idus Maji, 1227. Leopoldus, dei gracia dux Austrie et Stirie. Vniuersis presentibus et futuris cupimus esse notum, quod Otto de Traberch, ministerialis noster, de nostre voluntatis assensu, per manum et assensum Henrici, filii sui, pro remedio anime sue et dominorum suorum omniumque parentum suorum salute iura patronatus et quicquid iuris habuit in ecclesiis Walgerstein Patauiensis, et Erdpurge Olomucensis diocesium, libere et absolute tradidit hospitali et fratribus sancti Johannis iure perpetuo possidenda, vna cum vniuersis decimis campestribus et domesticis frugum, siliginis, tritici, ordei, auene, canapi, papaueri, croci, raparum, lini, lentis, caulium et omnium ex terra germinantium, insuper porcellorum, anserum, anatum, gallinarum, ouorum, mellis, agnellorum, vitulorum et omnium domesticorum brutorum; que omnia, sicut nos de facto a nostris ibidem colonis recepimus, ita de iure diuino et canonico, tanquam dominus temporalis, qui decimas dei de iure possidere nequit, dictis fratribus plebanis in Walgerstein et Erdpurga tradidimus possidenda, recipienda, et in suum usum conuertenda. Vt igitur hec donatio, coram nobis in conspectu procerum nostrorum racionabiliter facta, rata permaneat, presentem litteram sigillo nostro appendenti roboratam memoratis fratribus plebanis tradidimus. Actum noue Ciuitatis IV. Idus Maii. Anno incarnationis dominice MCCXXVII. Indictione XV. E copia in museo Moravico. — Originale adest in archivo Melitensium Pragae. CLXXVII. Kogata de Hnewjnmost (Brüx), filius Hrabiše, monasterium Zděrazense ante Pragam, quod cum fratre suo Wšebor fundaverat, dotat possessio- nibus in Boemia et Moravia. Dl. XI. Kal. Augusti, 1227. Nouerit presencium uniuersitas, et posteritas futurorum, quod ego Coiata de Gnevinmost filius Grabisse, considerans carnalem mihi prolem