331 CCLXXXVI. Premysl, marchio Moraviae, cives Olomucenses ad defensionem civitatis suae provocat. Dl. in castro Weweřj, 1237. Premizl dei gracia marchio Morauie ciuibus uniuersis fidelibus ciui- tatis nostre Olomucz .. De fidei uestre sinceritate inconcussam gerentes fiduciam, vos omnimoda, qua uos semper amplectimur, dilectione admonere ymo rogare non obmittebamus, iniungentes uobis gracie nostre sub obtentu, quatinus instante guerre ineuitabili, quam sumus exosi, necessitudine, studio et opera multiplici defensioni fidelis nostre ciuitatis et castri in Olomucz iam nunc preuideatis, postponendo quecumque alia negocia, que emersura sunt in uia iuris in iudicio tractandi. Promittimus uobis, ciues dilecti, uestri obsequii non inanem fore exhibitionem nunc et in futurum. Cetera omnia, que tuicioni uestre ciuitatis et prefati castri ydonea esse poterunt et commoda, dilectus nobis nobilis uir Victor, filius Bludonis, accepit a nobis in mandatis secundum sui consilii apicem ordinanda. Datum in castro Ueueri. MCCXXXVII. E codice Ms. Tischnowicensi. CCLXXXVII. Přemysl, marchio Moraviae, nobiles provinciae Znoymensis ad arma evocat castraque tuenda curat. Dl. in Bruna, 1237. Premizl dei gracia Marchio Morauie fideli nostro nobili uiro . . . burgrauio in Znoim. Fidelitatis tue constancia, quam pre ceteris in te experti sumus esse inconcussam, cordis nostri habitum spe induit indubi- tante, quod nostris mandatis solito more te obsequiosum exhibebis. Man- damus igitur et exhortamur tuam fidelitatem, quatinus conuocatis in Znoi- mensi ciuitate cunctis inbeneficiatis et nobilibus huius prouincie, ipsis ex nostre uoluntatis auctoritate iniungas studiose, quod feria IIII. post pascha in Znoim comparere haut negligant armis precincti et armigeris comitan- tibus propter temporis istius necessitatem. Item uolumus sub gracie nostre promissione, quatinus burgrauii nostri in Vetoue, in Vranov, in Jemnic, 42*