147 tramur et congruum, ut illis se reddat sedes apostolica graciosam, quibus ad id propria virtutum merita laudabiliter suffragantur. Exhibita siquidem nobis nuper pro parte dilecti filii Johannis Laurencii de Drosskowicz, presbyteri Olomucensis diocesis, peticio continebat, quod olim parrochiali ecclesia sancti Wenceslai in Drosskowicz dicte diocesis, quam quondam Ulricus dicte ecclesie rector dum viveret obtinebat, per ipsius Ulrici obitum, qui extra Romanam curiam diem clausit extremum, vacante, dilecte in Christo filie Dorothea abbatissa et conventus monasterii Vallis sancte Marie in Osslavia Cisterciensis ordinis dicte diocesis, cum ad abbatissam dicti monasterii pro tempore existentem et conventum prefatas de antiqua et approbata ac hactenus pacifice observata consuetudine presentacio rectoris ad dictam ecclesiam, cum vacat, pertineat, prefatum Johannem dilecto filio Johanni de Straznicz decano ecclesie Olomucensis, venerabilis fratris nostri Conradi episcopi Olomucensis in spiritualibus vicario generali, ad ipsam ecclesiam sic vacantem infra tempus legitimum pre- sentarunt, ipseque vicarius prefatum Johannem Laurencii in rectorem ipsius ecclesie aucto- ritate ordinaria instituit, dictusque Johannes vigore presentacionis et institucionis earundem possessionem eiusdem ecclesie extitit assecutus. Cum autem, sicut eadem peticio subiun- gebat, dictus Johannes dubitet, presentacionem et institucionem predictas ex certis causis iuribus non subsistere et sicut accepimus predicta ecclesia adhuc vacare noscatur, nos volentes diclum Johannem apud nos de vite ac morum honestate aliisque probitatis et virtutum meritis multipliciter commendatum horum intuitu favore prosequi gracioso, dis- crecioni tue per apostolica scripta mandamus, quatinus, si per diligentem examinacionem eundem Johannem bene legere, bene construere et bene cantare ac congrue loqui latinis verbis et alias idoneum ad obtinendum dictam ecclesiam esse reppereris, vel eciam, si ipse Johannes non bene cantaret, dummodo in tuis manibus iuret ad sancta dei evangelia, quod infra annum a tempore examinacionis huiusmodi computandum bene cantare addiscet, super quibus tuam conscienciam oneramus, ecclesiam predictam, cuius fructus, redditus et pro- ventus octo marcharum argenti puri secundum communem extimacionem valorem annuum, ut ipse Johannes asserit, non excedunt, sive ut premittitur, sive alias quovis modo aut ex alterius cuiuscunque persona vacet, eciam si tanto tempore vacaverit, quod eius collacio iuxta Lateranensis statuta concilii ad sedem predictam legitime devoluta aut ipsa ecclesia disposicioni apostolice specialiter reservata existat, dummodo tempore dat. presencium non sit in ea alicui specialiter ius quesitum, cum omnibus iuribus et pertinenciis suis eidem Johanni auctoritate nostra conferas et assignes, inducens per te vel alium seu alios eundem Johannem vel procuratorem suum eius nomine in corporalem possessionem ecclesie iuriumque et pertinenciarum predictorum eadem auctoritate et defendens inductum, amoto exinde quolibet illicito detentore, ac faciens sibi de ipsius ecclesie fructibus, redditibus, proventibus, iuribus et obvencionibus universis integre responderi, contradictores auctoritate nostra appellacione postposita compescendo. Non obstantibus, si aliqui super provisionibus sibi faciendis de huiusmodi vel aliis beneficiis ecclesiasticis in illis partibus speciales vel gene- rales dicte sedis vel legatorum eius litteras impetrarint, eciam si per eas ad inhibicionem, reservacionem et decretum vel alias quomodolibet sit processum, quibus omnibus dictum 19*