61 fuerit, si facultas se ad hoc extenderit, debeat emi et comparari, ila tamen, quod huiusmodi panis empcio empcioni census octo marcarum grossorum ac fundacioni et dotacioni altaris in nullo preiudicet nec deroget quovis modo. Quo altari sic erecto, fundato et dotato ac legitime per loci ordinarium in beneficium ecclesiasticum erecto et confirmato, ut prefatus dominus Petrus ex huiusmodi testamento habeat eciam aliquam consolacionem, prenominatum Symonem clericum et non alium ad huiusmodi altare prima vice dumtaxat debeat presentare. Quo Symone clerico decedente vel cedente, ius patronatus sive ius presentandi huiusmodi altaris ad prefatum Marcum, Elizabeth ipsius conthoralem, pueros heredesque ipsorum legi- timos natos nascendos utriusque sexus de Marco et Elizabeth dumtaxat descendentes debeat devolvi, spectare libere et pertinere; ipsisque vero Marco, Elizabeth, pueris et heredibus ipsorum legitimis decedentibus, Clara et pueri sui utriusque sexus, dumtaxat iuxta senioritatem quoad ius presentandi tociens, quociens ipsum vacare contigerit, presentabunt. Et si nullus huiusmodi puerorum eciam ipsius Clare inveniretur, ita quod omnes contingeret decedere, extunc perpetuus vicarius ecclesie Olomucensis, qui maturam missam sancte Marie virginis tempore vacacionis huiusmodi altaris celebrabit, unum idoneum ecclesie Olomucensis preben- datum seniorem non beneficiatum, quando“) ipsum altare vacare contingerit, poterit et debeat presentare. Tali condicione adiecta, quod altarista huiusmodi altaris, qui pro tempore fuerit, singulis septimanis per se vel per alium idoneum presbiterum legat tres missas, primam de tempore, secundam de beata Virgine, terciam vero pro defunctis, pro animarum dictorum testatorum ac parentum et amicorum suorum remedio et salute, in quibus missis legendis cuiuslibet altariste, qui pro tempore fuerit, consciencia specialiter sit onerata. Quam- quidem ordinacionem et disposicionem huiusmodi testamenti sic ut premittitur rite, legitime et racionabiliter facti iuxta voluntatem dictorum testatorum dicte partes pro se et suis hincinde laudaverunt, ratificaverunt ac bona fide ipsorum in omnibus suis punctis et clausulis, sic ut superius expressantur, inconcusse et inviolabiliter solempni stipulacione tenere et obser- vare promiserunt sub pena quinquaginta marcarum grossorum Pragensium numeri et pagamenti predictorum per partem non tenentem pro fabrica ecclesie Olomucensis medietatem et aliam medietatem parti tenenti irremissibiliter solvendarum. Super quibus omnibus et singulis premissis dicte partes petiverunt, sibi per me notarium publicum infrascriptum unum vel plura publicum seu publica instrumentum aut instrumenta conficib), quod et feci. Acta sunt hec anno, indiccione, die, mense, hora, pontificatus et loco quibus supra, presentibus vene- rabili viro domino Johanne de Straznicz decano ac honorabilibus viris dominis Luca de Nova Civitate, Nicolao de Lubczicz, perpetuis vicariis ecclesie Olomucensis, et provido viro Johanne dicto Stoler cive Olomucensi, testibus ad premissa vocatis specialiter et rogatis. Et ego Conradus olim Johannis de Tesschin, clericus Wratislaviensis diocesis, publi- cus auctoritate imperiali notarius necnon scriba sive notarius actorum consistorii Olomucensis dictis ordinacioni, promissioni, ratificacioni, pene apposicioni omnibusque aliis et singulis premissis, dum sic ut premittitur agerentur et fierent, unacum prenominatis testibus presens a) Orig.: qd, mit Kürzungsschleife wie sonst für quod b) das Wort fehlt