1423. 33 dorvmb haben wir eygentlich betrachtet den schaden des cristlichen glawbens durch gunst willen, der man an die ketzer legt, vnd durch der gemeynschafft willen, den die egenannten kunig von Polan vnd Witold mit den unglawbigen vnd mit den heyden haben, so haben wir auch gemercket den schaden des heyligen romischen reichs vnd sunderlich, wenn die cron czu Behemen vnsser vaterlich erbe ein hochwirdig gled des heiligen reichs ist, vnd haben auch gewogen den grossen schaden, der vnssern getrewen vnd vndirtanen mit namen der prewssischen orden geistlichen lewten, vnssern vnd des heyligen reichs vor- wandten, weder recht vnd ewig richtunge vnd friden gescheen ist, die si alzo vil in grossen hass haben, so sie mer vmb den cristen glauben sich dorseczczen, vnd ouch vnsern fürsten von Slesien vnd andern vnser landen grossen schaden czugeczogen haben, vnd sunderlich ouch sehen wir an sorgfeldikeit vnd czukunfftigen schaden vnsers kunigreichs czu Ungarn durch der gemeinschafft willen, die derselbe Witold mit den Türcken, die do mit dem kunigreich czu Ungarn mit sammen stossen vnd des ganczen cristen namens vnd der Ungern tegeliche finde sint, hot, so haben ouch vnsern mut beweget vil ander sachen vnd redeliche ding, die wir durch kurcze willen czu desser czeit vorlassen. Vnd dorvmb durch allir oben geschrebin sachen sunderlicher bewegunge willen vnsirs allergnedigsten hirrn des vorgeschrebin alse getrawe fürsten, lande, hern, ritter, knechte vnd stete, nemblich wir Conrad, von gotes gnaden bischoff zu Bresslaw, Johannes zu Rathibor, Przemko zu Troppaw, Bolko zu Teschin, Bolko vnd Bernhard, gebruder zu Oppol, Lodewig zum Brige vnd zu Legnitz, Johannes zu Monsterberg, Conrad Kenthner zu Olsen, Johannes zum Sagan, Ruprecht zu Lobyn, Henrich der elder zu Grossen Glogaw, Conrad zur Steynaw, Kazimir zu Awswintzen, Conrad der weisse zur Kosil, Wentzlaw vnd Lodewig, gebrüder zu Nymptz vnd zur Olaw vndt Wenzlaw zu Crossen, hertzogen vnd hirren, vnd wir nochgeschreben landt vndt stete, Breslaw, Namslaw, New- markt, Sweidenitz, Jawir, Lusitz vnd wir sechs lande vnde stete, Budissen, Görlitz, Sittaw, Camentz, Lobaw vnd Luban, hirren, ritter vnd knechte mit aller der lande zugehorunge (haben) vns mit wolbedochtem mute vnd sunderlichen gutten vorgehabeten rate also mit (dem) kunig- reiche zu Vngern, ertzbischoffe, bischoffen, prelaten, hirren vnd steten vnd dem h. homeister vnd seynem gantzen orden mit dem lande Prewssen etc. vorbunden wider den könig zu Polan, seyn kunigreich etc. in solicher weise , das alle die, die in das vorbüntnisse komen synt, von stunden, wenn man das zu rate wird, gleich mittenandir entsagen sullen dem künige zu Polan, seym künigreiche, helffern vnd beylegern, also das wir einer dem andern helffen sullin mit leibe vnd gute etc. vnd wer es sache, das der kunig von Polan adir Withold, ir helffer adir beileger des nicht erbeitet etc. vnd würde mit gots hülfe das kunig- reich zu Polan gewunnen mechtiglich, so sol der cron zu Ungern dovon wider werden Rewschen, genannt Vlodomeria, die Moldaw, Podolia vnd Muschina mit landen, leuten, festen vnd iren zugehorungen, vnd alles das, das von alden zeiten zu der cron zu Vngern gehort hat. Ouch sullen den slesischen fürsten vnd iglichem, der im bunde begriffen ist, dovon wider werden, was in adir iren vorfarn von alders zugehort hat. Was dann des dorobir bleibe, damitte sol mans holden noch der gemeyne rathe etc. Vnd wir kunig Sigmund vorgenanter etc. globen vor uns und unser nochkommen kunige zu Behemen alle VI. 5