1429. 89 Hermanno divina miseratione abbate monasterii Brewnoviensis prope Pragam, Buzcone in Podiebrad, Wenceslao in Brumow et Nicolao in Wssyestar ecclesiarum plebanis et aliis pluribus testibus fide dignis Pragensis diocesis. Quibus quidem presentatione et receptione literarum prescriptarum sicut premittitur factis prefati fratres Leonardus et Jaco- bus humiliter supplicarunt, quatenus ipse dominus abbas ad executionem ipsarum et con- (ten)torum in eisdem procedere dignaretur juxta formam sibi a sede apostolica directam et dominus Cristoforus abbas prenotatus propter certas necessitates et negotia, quibus in monasterio suo occupabatur, peticioni predicte annuens michi notario publico citationem et examen testium producendorum propter suum recessum expediendum comisit. Acta sunt hec presentibus quibus supra. Item anno indictione pontificatu quibus supra die lune xviij mensis Julii prescripti hora tertiarum in cappella sancte Marie virginis in dicto castro Glacensi situata prefati fratres Leonardus et Jacobus multitudinem testium per me verbo citatorum produxe- runt, ex quibus aliquos effrenans eandem multitudinem et repellens dumtaxat sedecim plus fide dignos admisi, a quibus testibus a laicis ad ymaginem crucifixi salvatoris nostri et a clericis ad sancta dei evangelica corporalia recepi juramenta, et ibidem fratres pretacti quosdam articulos in quadam cartha papirea conscriptos michi notario predicto presen- taverunt, quorum tenor sequitur et est talis: Ad effectum docendi et probandi, qua re ecclesia sancte Marie virginis fratrum minorum cum domibus ipsius extra muros opidi Gla- censis situata Pragensis diocesis demolita ac destructa dueque domus cum quadam area pro edificando ecclesium intra muros dicti opidi concesse et assignate fuerint pro speciali et summaria cognitione infrascripta capitula seu articuli coram vobis venerabili patre domino Cristoforo divina miseratione abbate monasterii in Camencz Wratislaviensis dio- cesis a sede apostolica commissario specialiter deputato pro parte fratrum dantur, exhi- bentur et offeruntur, et ea probare intendunt, se tamen ad superfluam prolationem non astringentes sed intentioni sue necessariam, et que tum ad dictum effectum faciunt et non aliter, de quo sollempniter protestantur. Imprimis quidem dicitur, ponitur, et, si necessa- rium fuerit, probabitur, quod uno, duobus, tribus, quatuor, decem citra et ultra annis proxime preteritis in Boemia viguit et fuit, viget et est pestifera quorundam Boemorum rabies heretica seu heresis, cujus heresis fuerunt et fuit die hodierna plura conventicula magnos gentium exercitus habentia, que infra annos predictos in regno Boemie et aliis terris vicinis et confinantibus plura castra et opida et municiones et nonnulla monasteria et ecclesias Christi fidelium expugnarunt et devastarunt et penitus destruxerunt et que- dam ex eis usque ad solium terre demoliverunt et dejecerunt, dieque hodierna expugnare non cessant, in quibus expugnationibus nonnullos Christi fideles interfecerunt et diversis penis mortificarunt et interemerunt, quod fuit et est verum, publicum, notorium et mani- festum. Item ponitur ut supra, quod nobilis dominus Potha de Czastolowicz, baro ejusdem regni Boemie, in dicto opido Glacensi capitaneus constitutus et opidani dicti opidi volentes ipsius opidi defensioni contra dictos hereticos providere, dum prefati heretici opidum jam tunc existentes cum eorum exercitibus in districtu Glacensi antedictum destruere machina- rentur et se ad hoc pararent, sicut nonnullas alias terras destruxerunt, predictas ecclesiam VI. 12