1436. 149 1436 Juli 23. 216. Bisch. Konrads Schiedspruch zwischen den Breslauern u. Kunz Reichel, des Letzteren Lösegeld betreffend. Breslauer Stadtarchiv F. 21. Orig. S. verloren. Wir Conrad von gottes gnaden bischoff zu Breslaw etc. bekennen offintlich mit desim brife allen, di en sehen adir horin lesen, so als der tochtige Cuncze Reichel an eyme und die ersamen und wolweisen ratmannen der stat Breslaw am andern teile umbe soliche schulde, czweitracht und gebrechin, di si ezwischen enander gehabit habin, an uns als an iren irwelten und gekornen richter komen und gegangen sint, und des ire schulde und ant- wort in schriften vor uns brocht und gelegt haben, sie doraws mit der sune adir mit dem rechten zu scheiden, die selbigen schulde und antwort wir ofgenomen habin und uns doroff eines rechten dirfroget und dirfaren, das wir ouch czwischen den obgenanten beiden teilen vor recht gesprochen habin und sprechin, als hienoch stet geschrebin: czum irsten als denne Cuncze Reichel seine beschuldegunge in seinen schriften vorbrenget, wie die lawten von worte zu worte vorn anhebin bis zu ende, dowedir die von Breslaw von dem genannten Cunczen Reicheln die rechte gewer heischen und fordern vor iren antworten, das her en die verburgen und vorwissen sulde mit landsessen, als das ouch ire schrift awsweiset, doroff habin wir obgenannter Conrad, bischoff zu Breslaw vor eyn recht gesprochin un sprechin so, als die von Breslaw die gewer fordern, so sal en Cuncze Reichel die gewer tun und ver- burgen mit landsessen, beerbten lewten des furstenthums zu Breslaw, als her nicht beerbit ist im lande, und ap her das nicht getun kan, das sal her beweren mit ezween fingern uff den heiligen mit seinem eide, und sal denne dornach abir off den heiligen sweren eynen eyd, das her di gewer stete und gancz welde halden. Wenne her das getuet, so ist her domete der gewer volkomen von rechtes wegen. Doroff hat derselbige Cuncze Reichel zu den hei- ligen gesworn die gewer zu halden. Darnach als Cuncze Reichel die ratmonn zu Breslaw beschuldiget und anclaget, wie es zwischin den von Breslaw und iren soldenern an eyme und Petern Polak mit seinen helfern am andern teile geteidingt vmb gefangene an beiden teilen, ap ymand gefangen worde, wie man den losen sulde, und wer das nicht halden welde. der sulde es dem andern vir wochen zuvor vffsagen, doroff globde geschen weren, und Polak hett sein briff den von Breslaw gesandt vor Reicheln und andern saldener zu getrawer hand und beschuldiget sie vmb ire wissenschaft, das her des brif nicht habe mocht gebruchen und ist in der unoffgesagten czeit gefangen mit czween knechten und ist geschatzt worden uff hundert und achezig mark groschen und den schaden, den her wirdiget in vier joren yo das jor achczen mark, als das seine schult und ouch seine leczte nochfroge noch der schult gesoczt awsweisen, doroff die von Breslaw in irer antwort awsczien ein artikel, do Reichel bekennet, das in der beredunge der burger und der kouffman ouch gesorget were gewest und setczin forder, wie zu eyner czeit der rat zu Breslaw mit Petern Polak, do her mit in krigte, vor der stat Breslaw eyn gespreche und handelunge gehabit haben umbe gefangen alse wepener, schotezen, morsteller, burger, koufflewte und furlewte, ap under den ymand gefangen wurde an beiden teilen, wie man mit den halden sulde, alse eynen wepener, burger und kouffmann vor eynen andern wepener, burger und kouffmann adir eynen yderman mit vier schocken groschin zulossen, die schotczen vor eynen andern schotezen adir mit ezween