106 1431. 1432. 1431 Dec. 26. Die Schweidnitzer entschuldigen gegen die Görlitzer das Ausbleiben ihrer Hilfe mit der eigenen Bedrängniss. Scultetus ann. Gorlicens. II. 99. Hauptman, manschaft der fürstenthumb Schweidnitz vnd Jawor den edlen gestrengen, woltuchtigen, ersamen vnd weisen hern Thymen von Colditz etc. landmannen, burger- meistern vnd rathmannen des landes vnd der stat Gorlitz, vnsern besundern gunstigen lieben fründen. Als vns e. edelkeit vnd liebe vorschriben habt vmb hülffe wider die ketzer etc., tun wir e. liebe zuwissen, das wir tag nach nacht keine ruge habin von den kätzern. Othmachau, Nymptze, Weissenberg, Kotzenstein, Ebirspach mitt andern iren helffern vnd possadken 1) täglichen für vnser stat sein vnd vns gruntlichen vorterben, so das wir vnser vorstete, vorberg vnd mölen für en schutzen müssen, vnd haben dach von nymande keine hülffe noch roth. So ist vns in deser stunden botschafft kommen, als wir euch eine abschrift etc. So haben wir allen desen landen vnd steten ernstlichen geschriben vnd gebothen bey leybe vnd gutte uff zu sein etc. Eines solchen glauben wir euch auch wol, ab vns das noth würde sein, das ir vns auch mit ewer macht zu hulffe wolt komen. Geben etc. anno 1431 an sende Stephanstage. Einschluss: Cuntze Beler off dem Schatzler ad senatum Hirspergensem. Ich thu euch zu wissen ernstlichen, das die samlunge der kätzer zu Behmen wollen ein teil auff die Zittaw vnd der ander hauffe, vorneme ich, der wölle mit Wotyken vor ewer stat nu in desen heiligen tagen vnvorzogenlich vnd vorwort; hiervmb warne ich euch, das ir ewr ding nach dem besten vnseumelichen bestellet, wenn ich vngerne erfare ewern schaden. Geben am sontage vor dem h. cristtage. 151. Dec. 23. f. 11. 1432 o. T. Breslauer Stadtarchiv Signaturbuch v. 1432. f. 9. vergl. Zeitschr. VIII. 154. Stephan und Hans Unger die bader haben globt etc. vor Pawiln von Poznaw vor orfede von des gefenckniss wegen, dorynne her gesessen hot, dorumme das her die bochsen besehen und ummegangen hot, dorumb man in etlicher mosse vordocht hot 2). Pet. Hengist und Hannus haben globt etc. vor Craschen von Reichenbach vor orfede von des gefenckniss wegen, dorynne sie gesessen haben, dorumme das sie den hussen vorkawft und abekawft haben etc. Heinze Tyle, Hans Crintsch und Hans Hofeman haben globt etc. vor Lange- hanns vor orfede von des gefenckniss wegen, dorynne her gesessen hot, dorumme das her hette wollen zu den ketzern czien und bei in bleiben, als her besaget und beredt ist. 152. 1) Hussitische Besatzungstruppen aus den genannten Schlössern dürften gemeint sein. 2) Er scheint also in den Verdacht der Spionage gekommen zu sein.