258 I. 1450, 23. Oct. Im Felde zwischen Milau und Reichenbach. Jobst von Einsiedel an Bürgermeister und Rath von Eger. Mein willigen dinst zcuuor. Erbern hern lieben frewnde. Ich tue euch zeu wissen, das di hern zeu Pehmen jrrer sach zou ende pracht haben mit sampt mein gnedigen hern den fürsten jr puntgenossen nach eren mit gestrengikeit, vnd ist also durch meins hern des konigs vnd pischoffs von Meincz reten ein kristenlicher frid gemacht, der am freitag eingeganngen ist auff hewt vnd werden 1) vncz auff s. Vrban- tag, darin ein gutlicher tag sol geleist werden zeu Babmwerk auff den montag Reminiscere in der vasten, vnd jr ezwitrecht der fürsten vnd der hern zeu Babmwerk bestalt ist auff mein hern lantgrawen zeu Hessen etc., als auch der grunt von mir abgotwil vnuerpurgen pleibt, vnd czihen nu hin heim. Mein her von Sternwergk hat auch mit den hern von Plawen ein ende, von ewr sach wegen von beschedigung ewrs kreisz hat meins hern genad darin mit grossen furschucz nicht gespart vnd nach hewt, vnd wil y vernemen, ab jr das erkennen wolt, denn so wir vmb Adorff komen, dapei wolt ewr potschafft bestellen mit schrifft eins gleits zeu hern Girziken vnd den ewrn vnd di ewrn mit macht abscheiden lassen vnd ken Wildstein schiken, dae wirt jn gleit gegeben, dae wirt sach furgenommen, da- mit ewr lande vnbeschedigt pleibt pei gunst pleibt, des genist jr meins hern genaden ab ewr weiszheit, wenn got weisz, was ich euch zeu dinen west werklichen mit willen, darczu wer ich gannez willig. Datum eylent am freitag nach Luce in felde zwischen Milen vnd Reichenpach anno etc. l°. Jobst vom Eynsidel. Orig, im Egerer Stadtarchive. Ausser den in der Einleitung am betreffenden Orte angezogenen Schriftstücken enthält das Egerer Stadtarchiv noch mehrere Briefe 1) weren.