dne 18. června 1406. 171 bano et ecclesie sue singulis annis temporibus perpetuo affuturis septem strichones siliginis, septem ordei, septem avene et unum strichonem pisorum iuxta ritum et consuetudinem censualium ville antedicte sint astricti obnoxii et obligati et quod plebanus pro tempore existens prescripta blada a dicto Gira heredibus et successoribus ipsius recipiens per se abducere tenebitur et debebit. Item quod pro omnibus per prefatum Giram dicto d. plebano et ecclesie sue debitis et retentis emat idem Gira tri- ginta grossos census annui et perpetui pro ecclesia in Hwozd antedicta et priusquam emerit et comparaverit ac pro dicto d. ple- bano et ecclesia sua deputaverit plebanus ecclesie antedicte, qui fuerit pro tempore, commemoracionem pro remedio et salute Gire prescripti in prescripta ecclesia facere tenebitur et debebit. (Fol. 70.) Item omnes concordie occasione premissorum quomodo- cunque et qualitercunque et per quascunque personas spirituales vel seculares inter partes prescriptas facte per presentem nostram pronuncciacionem cassentur irritentur et annihilentur, quas eciam exnunc cassamus x. Item quod omnes displicencie impense et expense hincinde occasione premissorum facte transeant et com- pensentur. Quam quidem pronuncciacionem sic ut premittitur factam prenominate partes ibidem presentes ratam et gratam habentes ipsam in omnibus et per omnia tenere per se et suc- cessores suos et observare promiserunt sub penis in compromisso contentis et descriptis, ubi eciam prefatus Gira pronuncciacioni prescripte satisfacere volens XXX gr. den. Prag. census annui et perpetui in de et super domo Nicolai dicti Zayda civis in Raconik et ipsius area sita inter domos Marssonis quondam Hunde (?) ex una et Petri sutoris in vico dicto Blatna parte ex altera pro- prefato d. Jaxone plebano et ecclesie sue dedit donavit depu- tavit et assignavit ac presentibus dat x. per ipsum d. Jaxonem plebanum et ipsius successores a possessoribus domus antedicte tollendos levandos et percipiendos, petens una cum prenominato d. Jaxone plebano premissa omnia et singula per prefatum mag. Adam vicarium in omnibus ipsorum punctis clausulis et articulis approbare ratificare auctorizare et auctoritate ordinaria confir- mare. Qui d. mag. Adam peticionibus eidem x. oblatis favora- biliter annuens omnia et singula approbavit x. Acta sunt hec in curia archiep. sita in Minori civitate Prag. a. D. MCCCCVI. indiccione XIV. die IV. m. Junii videlicet feria sexta post f. penthe- costen hora terciarum pontific. d. Innocencii pp. VII. anno se- cundo, presentibus d. Johanne de Duba canonico s. Georgii in castro Prag., Gallo in Wlinawes, Johanne in Skwyrzin ecclesiarum plebanis, Valentino de Sadek et Nicolao dicto Sissel de Trzebon, notariis publicis, testibus fidedignis.