46 Soudní akta konsistoře Pražské modo perturbare sub pena excom., cui se heredes et successores suos submisit in hac parte. Prefatus vero d. plebanus reddens se gratum de dicti census donacione racione huiusmodi dona- cionis promisit per se et suos successores, dicte ecclesie rectores, pro anima ipsius Hrzkonis patris dicti clientis unum anniversarium peragere singulis annis videlicet prima dominica post festum Omnium sanctorum, ubi de sero vespere defunctorum cantabuntur et vigilie novem leccionum legentur et in crastino due misse defunctorum, una cantata et alia lecta, quo facto eciam plebanus tenebitur unum pauperem nutrire sub excom. pena predicta. Que omnia superius descripta petiverunt dicti d. plebanus et Dobessius cliens per d. Ogerium vicarium antedictum approbare ratificare et auctoritate ordinaria confirmare et dictum censum I sexag. gr. dicte ecclesie et ipsius rectoribus annectere unire applicare et incorporare. Et d. Ogerius x. considerans premissa ex zelo devocionis procedere et in divini cultus augmentum salubriter evenire, omnia et singula superius descripta appro- bavit x. dictumque censum deinceps et inantea juris ecclesiastici et non mundani decrevit reputandum. Acta sunt hec a. d. MCCCC primo die VIII. m. Octobris, presentibus Dominico de Budweis notario publico et d. Andrea canonico ecclesie Prag. 120. [Mařík švec dlužen kanovníkovi Pražskému.] (Pag. 46.) Constitutus personaliter x. Mauricius alias Marzik sutor moram trahens in plebe ss. Philippi et Jacobi apost. prope curiam dotis in Maiori civitate Prag. in presencia honorab. viri d. Andree plebani ecclesie in Pelhrzimow canonici ecclesie Prag. confessus est, se teneri et debitorie obligari in quatuor sexag, cum VI gross., quas eidem solvere promisit infra hinc et octavas festi nativitatis Christi sub pena excom., ita quod tempus eidem cedat pro monicione. 121. [Farář do Doubravice presentován.] In causa super ecclesia in Dubrawicz Hanussius natus Nicolai de Dubrawicz comparens coram d. Ogerio correctore et vicario x. non com- pulsus nec coactus in presencia d. Zacharie ad eandem ecclesiam presentati confessus est et recognovit, quod vacante predicta ecclesia in Dubrawicz per mortem ultimi rectoris et Heynchone ipsius patruo dicte ecclesie in Dubrawicz patrono in captivitate existente ipse Hanussius inductus per alios amicos, licet nullum jus sibi in presentando ad dictam ecclesiam competeret, d. Jo- hannem ad dictam ecclesiam presentavit, non tamen eidem super huiusmodi presentacione literam tradidit, quia sigillo caruit et caret, unde si aliqua presentacio in scriptis sub ipsius nomine aut sigillo ad manus dicti d. Johannis pervenit, de illa dixit sibi non constare. De quibus omnibus et singulis predictus d. Za-