212 Erectio altaris sancti Georgii et aliorum patronorum in castro Krupka. Wolfframus, Dei gracia sanctae Pragensis ecclesiae archiepiscopus, apostolicae sedis legatus, uni- versis Christi fidelibus praesentibus et futuris, ad quorum noticiam praesentes pervenerint, salutem in eo, qui est suorum fidelium vera salus, et praesentibus pro exemplo laudabili faciendi similia fidem dare. Etsi ad singula curam regiminis pastoralis respiciencia cautelae suffragium diligenter adhibere satagamus, officii nostri debito exigente, ad illa tamen praesertim negocia, per quae animarum saluti peramplius con- sulere, viuis gracia, defunctis misericordia apud altissimum efficacius impetratur et cultus diuinus augetur uberius, via maliciis praecluditur et futuris periculis forcius obviatur, confirmacionis nostrae robur apponere diligencius aspiramus. Sane in nostri personaliter constitutus praesencia Reverendus in Christo pater do- minus Thimo de Koldicz, episcopus ecclesiae Missnensis1), nobis exponere curavit, qualiter ipse cupiens temporalia pro aeternis et transitoria pro perpetuis felici commercio commutare et pro remedio et salute animae suae ac suorum progenitorum, praedecessorum et fratrum quatuor sexag. gross. Pragen. denariorum census annui et perpetui nudi, dominio supremo pro se et successoribus suis reservato, in et super bonis et villa Haranth, ad ipsum jure hereditario spectante et pertinente, pro altari et rectore altaris sancti Georgii et aliorum patronorum in castro suo Krupka nostrae Pragen, dioces. dedit, donavit, deputavit et assignavit, et ex nunc dat, donat, deputat et assignat, per rectores altaris antedicti, et signanter dominum Nicolaum Runge, presbiterum Wrat. diocesis et omnes ipsius successores eiusdem altaris rectores divisim in duobus terminis, videlicet sanctorum Georgii et Galli, ab incolis eiusdem villae, qui fuerint ad hoc designati, tollendas, levandas et percipiendas ultra expensas competentes eidem altaristae in dicto castro Krupka per dominos eiusdem castri perpetuo ministrandas, promittens supradictus dominus episcopus per se et suos fratres et successores dicti, castri in Krupka possessores, dictum dominum Nicolaum et ipsius successores in praescripti census percepcione et levacione non impedire, nec ab expensis in castro eodem ammouere, sed pocius ad dicti census acquisicionem eisdem subuenire et expensas in dicto castro generose mini- strare sine renitencia et contradiccione. Cum autem, ut praescribitur, dicto altari et ipsius rectoribus, sicut praescribitur, sit de dote sufficienter provisum, memoratus dominus episcopus ordinauit et disposuit, ut rector altaris supradicti, et specialiter dominus Nicolaus Runge et omnes ipsius successores dicti altaris rectores sint ad quatuor missas in septimana temporibus perpetue affuturis obligati et astricti, per se vel alium tenendas et legendas diebus infrascriptis, videlicet die dominico, secunda, quarta et sexta feriis sub officio prout altissimus inspiraverit, ita tamen quod semper feria secunda missa defunctorum inferius in ecclesia parrochiali decantetur, aliae autem missae diebus praescriptis in castro in altari supradicto tene- antur et legantur sine intermissione. In casu vero, ubi praefatus dominus Nicolaus Runge et ipsius succes- sores aliquam missam ex dictis quatuor missis diebus praescriptis tenere et legere neglexerint aut obmi- serint, ex tunc pro qualibet missa neglecta et obmissa nomine poenae plebano ibidem in Krupka dabunt duos grossos per eundem plebanum, qui fuerit pro tempore, pauperibus ante fores ecclesiae errogandos. Jus patronatus autem altaris supradicti praedictus dominus episcopus pro se et possessoribus ac dominis castri Krupka reservavit. Et ut omnia praemissa firma maneant et inviolabiliter observentur, praenominatus dominus episcopus nobis humiliter supplicavit, ut dictas donacionem et ordinacionem modo praemisso factas in suis punctis, clausulis, condicionibus et articulis approbare ratificare, auctorizare et ordinaria auctoritate confirmare ac altare praedictum in honorem sancti Georgii et aliorum sanctorum patronorum Regni Boemiae in perpetuum beneficium ecclesiasticum erigere et creare, necnon census praescriptos qua- tuor sexag. gr. in villa Harant cum expensis in castro Krupka eidem altari et ipsius rectoribus perpetuo annectere, unire, applicare, inviscerare et incorporare dignaremur. Nos vero considerantes praemissas dona- cionem et dotacionem ex zelo devocionis procedere et in diuini cultus augmentum feliciter evenire, ideo servatis servandis, quae de jure et consuetudine erant servanda, supplicacionibus quoque dicti domini episcopi tamquam iustis, racionabilibus ac juri consonis favorabiliter annuentes, attendentesque, quod ad praemissa domini Johannis, plebani seu rectoris ecclesiae parrochialis ibidem in Krupka expressus accessit