93 In einem Nachtrage, datiert [Prag] den 4. Mai 1413, überträgt Nikolaus diesen Zins an die Nonne Elisabeth von Chotieschow. Prag, Kapitelsarchiv, Lib. erect., Tom. IX, Fol. 157 a, b. Pro monasterio Teplicensi et principaliter pro sacristana claustri ejusdem. Constitutus personaliter coram nobis Wenceslao Gurein, canonico Pragensis ecclesie, vicario in spiritualibus oc. in judicio honorabilis vir dominus Johannes, canonicus ecclesie s. Georgii in castro Pra- gensi pro parte honorabilis viri domini Nicolai, plebani ecclesie in Sandow ac altariste Omnium Sanctorum in Teplicz, quoddam instrumentum publicum per Thomam natum Johannis de Daczicz, clericum Olomucens. dioc., imperiali auctoritate notarium, signo et nomine ipsius confectum exhibuit, cujus tenor sequitur in hec verba: In nomine domini Amen. — Anno nativitatis ejusdem millesimo quadringentesimo duodecimo, indiccione quinta, die XXV. mensis octobris, hora quasi vesperarum in opido Teplicz, Prag. dioc., ante domum honorabilis viri domini Nicolai, altariste Vndecim millium Virginum ibidem .. . . in mei notarii publici infrascripti testiumque presencia subscriptorum constitutus personaliter famosus armiger Dobessius Kremiss, residens ibidem, non compulsus, non coactus nec aliqua fraude aut dolo circumventus, sed sponte et voluntarie fassus est et recognovit, se vendidisse mediam sexagenam gross. Prag. monete, census annui et perpetui solvendi per se, heredes vel successores suos super quodam laico Wenceslao dicto Kobrha ibidem in Krzymis, honorabili viro domino Nicolao, plebano ecclesie in Sandow et altariste Omnium Sanctorum in Teplicz, predicte Prag. dioc., ad tempora vite sue, post mortem autem suam religiose virgini sacristane claustri in Teplicz, ordinis s. Benedicti, que tunc pro tempore erit, perpetue dandi et solvendi, videlicet quindecim grossos super festo s. Georgii et quindecim grossos super festo s. Galli temporibus eviternis. Quam quidem me- diam sexagenam gross. prescriptam prefata virgo, que pro tunc erit, tenebitur et debebit pro missis et religiosis pauperum distribuere et erogare, idemque armiger Johannes prescriptus dedit plenam et omnimodam potestatem virtute presentis instrumenti domino Johankoni de cancellaria venerandorum vicariorum archi- episcopatus Pragensis suo et legitimo procuratori ad actuandum seu actis inscribendum prescriptum censum medie sexagene gross. ad acta dominorum vicariorum prefatorum sub penis ecclesiastice censure pro- mittensque idem Johannes prenominatus, eundem censum predictum a prefato laico Wenceslao et suis successoribus tollendum et eidem domino Nicolao ad tempora vite sue et post mortem suam prescripte virgini sacristane, que pro tunc erit, perpetuis temporibus presentandum in terminis suprascriptis, sub- mittens se et suos successores ac heredes penis et ecclesiasticis censuris promisitque mihi notario publico infrascripto clerico, stipulatum vice et nomine suo, heredum et successorum suorum et omnium, quorum interest vel in futurum interesse poterit, gratum, ratum, firmum perpetue habiturum, quidquid per dictum dominum Johankonem, procuratorem suum legitimum, actum, factum, gestum procuratumque fuerit in premisso. Acta sunt hec anno etc. quibus supra, presentibus ibidem honorabilibus et discretis viris Wences- lao, plebano ibidem de Krzemis, Nicolao altarista Vndecim milia Virginum in Teplicz et Dobessio Dobessii de Praga, testibus fidedignis ad premissa rogatis. Et ego Thomas natus quondam Johannis de Daczicz, clericus Olomucensis dioc., imperiali auctori- tate notarius publicus, quia predicte fassioni, recognicioni, procuratoris constitucioni, penis submissioni pretacteque tradicioni quamque singulorum premissorum presens interfui, eaque omnia et singula sic fieri vidi et audivi, me alio arduo preocupato negocio per alium scribi procuravi, manuque mea propria hic subscripsi et publicavi et in hanc publicam formam redegi, signoque et nomine meis solitis et consuetis consignavi, rogatus et requisitus in fidem et testimonium omnium premissorum. [Postscriptum.] Item anno domini millesimo quadringentesimo tredecimo die quarta mensis Maii prescitus dominus altarista coram dominis vicariis personaliter parens, non compulsus nec coactus sed sponte et libere omne jus de dicto censu medie sexagene... in religiosam virginem Elisabeth de Cho-