58 1375. diuina prouidencia pape vndecimi anno quinto, in mei notarij publici et testium presencia sub- scriptorum coram honorabilj viro domino Petro de Rosembergh, cappelle regie Omnium Sanctorum in castro Pragensi preposito, constitutj personaliter honorabiles viri domini Nicolaus de Zaton, prepositus ordinis sancti Benedicti, et Nicolaus de Przie- dole, ecclesiarum plebani Pragensis diocesis, ad ea, que salutem animarum et suarum vtilitatem respiciunt ecclesiarum, plurimum anhelantes de dispendijs et difficultatibus per incon- gruas limitaciones antiquas, que magna viarum ex distancia parrochialibus ex utraque parte multiplices negligencias intulerunt et labores, suo et predictarum suarum nomine ecclesiarum ac successorum suorum in honorabiles et discretos viros dominos Wenceslaum de Bauorow et Hostislaum de Chrumpnaw decanum Dudlebensem ecclesiarum plebanos non per errorem aut improuide, sed spontanea voluntate tamquam in arbitros, arbitratores et ami- cabiles compositores et comunes amicos ibidem presentes et onus pronuncciacionis in se susci- pientes, de alto et basso vnanimiter compromiserunt, dantes et concedentes eisdem arbitris super causa predicta et commutacione villarum infrascriptarum coniunctim uel diuisim presentibus uel absentibus partibus omni loco et tempore, seruato iuris ordine uel non seruato, quociescumque eorum expedierit uoluntati, plenam et omnimodam pronuncciandj potestatem. Nichilominus ad invicem sollempni manuum stipulacione facta et michi notario infrascripto promittentes sub pena quinque sexagenarum per medium parti seruanti et Pragensis ecclesie pro fabrica a parte non seruante soluendarum pro omnibus et singulis rite et firmiter tenendis et obseruandis, quauis cessante contrauencione, quidquid dictj arbitri partes in predictas duxerint faciendum, arbi- trandum, laudandum et diffiniendum. Qua pena, ut premittitur, semel uel pluries commissa, exacta et soluta uel non exacta, omnia et singula tamen premissa in sua semper firmitate mane- ant et perdurent. Qui quidem arbitri parte ex utraque parrochiarum labores et negligencias pauperum remouere volentes, presentibus partibus pronuncciacionem siue laudum ferrj postulan- tibus dei invocato nomine et ipsum semper habendo pre oculis arbitrati sunt concorditer pro- nuncciantes, quod ville Geiselpacz et Dubowa integre, que olim in Zaton pertinebant, proinde et amplius suis cum decimis et omnibus iuribus, quocumque censeantur nomine, pertinere et spectare debeant perpetue ad plebem et parochiam in Przidol, villa vero Gistebnik cum molendino sibi adiacente, que prius in Prziedole pertinebat, ammodo perpetuis temporibus cum decimis et fumalibus ac vniuersis pertinencijs et juribus ab antiquo consuetis in Zaton similiter nomine commutacionis debent pertinere. Acta sunt hec anno, indiccione, die, hora, loco, pontificatu, quibus supra, presentibus discretis et honestis viris Buzkone in Helfemburgh et Zacharia in Chrumpnaw, nobilium dominorum de Rosembergh burchgrauijs, nec non Petro de Wetern, camerario pro tunc eorumdem supremo, et Sullicone, magistro coquine in Chrumpnaw, et alijs quampluribus testibus circa premissa. Et ego Johannes, natus quondam Petri de Magnauilla, clericus Pragensis diocesis, publicus imperiali auctoritate notarius, huiusmodi compromissioni, arbitracionj, laudacionj, diffinicionj et pronuncciacionj suprascriptis, dum sic, ut pre- mittitur, fierent et agerentur, vnacum prenominatis testibus presens fui eaque sic fierj uidj et audiuj, manu propria conscripsi et in hanc publicam formam redegi signo et nomine meis consuetis vnacum appensione sigilli domini Petri de Rosembergh memorati consignaui in fidem et testimonium singulorum requisitus premissorum. Orig. auf Perg. mit dem an einem Pergamentstreifen hängenden verwischten Siegel Peters v. Rosenberg in rotem Wachs im k. k. Statthaltereiarch. Prag. — Mitgeteilt durch H. Statthaltereiarchivdirektor K. Köpl. Notariats- zeichen