116 1395. tenemur et debemus ecclesie in Chrumpnaw parochiali. Insuper recepimus prefate ecclesie in Chrumpnaw pro anima prouidi viri Leutlini, quondam iudicis ibidem, viginti quatuor sexagenas et pro anima honeste matrone Perchte institricis in Chrumpnaw quinque sexagenas grossorum et ab honorabili viro domino Nicolao presbitero et predica- tore de Grecz Regine triginta sex sexagenas grossorum Pragensium denariorum dicte ecclesie sic legatas et donatas et in nostram potestatem in parata pecunia plenissime assignatas, pro quibus quidem pecunijs debemus eidem ecclesie parochiali quinque cum media sexagenas census perpetui assignare. Cupientes igitur de prescriptis testamentis per prescriptos predecessores nostros carissimos sic factis et ordinatis et pro prefatis pecunijs dicte ecclesie legatis et donatis ac per nos receptis omnipotenti deo et sanctis suis satisfacere, velud decet, volentesque cultum diuinum et eius ministros, quantum possumus, adaugere et nobis ac prescriptis nostris prede- cessoribus et alijs christifidelibus, qui ad huiusmodi pia opera sua nobis sunt largiti subsidia, pro- terrenis sperantes celestia cumulare, ad honorem dei omnipotentis et sue genitricis gloriose vir- ginis Marie ac omnium sanctorum et beati Viti martiris gloriosi laudem perpetuam necnon ob nostre anime et prescriptorum nostrorum predecessorum remedium animarum matura preuia deliberacione sepefate ecclesie parochiali in Chrumpnaw et plebanis seu rectoribus suis legittimis prescriptas decem et nowem sexagenas cum triginta duobus grossis annui, veri et perpetui census in et super tredecim laneis cum vno quartali lanei et in vno orto in villa Besednicze, eandem villam per uiam, que transit de opido Sweyncz, intrando et a sinistra manu incipiendo circulariter numerare, contigue collocatis damus, conferimus, condescendimus et liberaliter presentibus assignamus cum agris cultis et incultis, pratis, pascuis, siluis et rubetis, iudicio, emendis, deuolucionibus et cum omni alia libertate quouismodo ad prescriptos laneos et census pertinentibus communiter uel diuisim per prefatos ecclesiam et suos rectores perpetue possidenda, nil nobis et heredibus nostris utilitatis preter tuicionem et defensionem in ipsis bonis penitus reseruantes. Talibus tamen condicionibus notabiliter notatis, quod plebanus quilibet, qui est uel pro tempore fuerit, perpetuis in antea temporibus specialiter pro anima antefate domine Elyzabeth, matris nostre! carissime felicis recordacionis, vnum presbiterum supra numerum presbiterorum prius in dicta ecclesia habitorum in suis expensis teneat, foueat atque pascat, eidem presbitero diligenter mandando et iniungendo, ut in missis suis, horis canonicis et alijs oracionibus priuatis pro anima antefate genitricis nostre carissime deum omnipotentem fideliter deprecetur, ipsi presbitero ultra expensas pro suis necessarijs sin- gulis annis in festo sancti Jeorgij duas sexagenas et in festo sancti Galli similiter duas sexagenas census perpetue tribuendo. Adicimus eciam, ut plebani prefate ecclesie in Chrumpnaw pro- anima beate recordacionis antescripti domini Johannis domini de Rosennbergh, patrui nostri carissimi, et pro animabus prescriptorum orphanorum de Chrumpnaw secundum presbiterum, qui sacristiam cum rebus ecclesie prefate vniuersis ad ipsam ecclesiam et sacristiam pertinentibus de institucione et ordinacione plebanorum regat et in sua cura conseruet, super prescriptis censibus in suis similiter expensis conseruent, cum alijs presbiteris habeant atque pascant, eidem sacristano, quamdiu antescriptus dominus Nicolaus de Grecz Regine vixerit, omni anno in festo sancti Georgij septuaginta quinque grossos et in festo sancti Galli totidem ministrando. Post mortem uero predicti domini Nicolay antescripto sacristano in quolibet prescriptorum sanctorum Jeorgij et Galli festo singulis annis pro suis necessarijs vnam sexagenam et quadraginta quinque grossos perpetue assignabit, expensas et comoda seu cameras plebanus, qui pro tempore fuerit, prescriptis duobus presbiteris velud alijs suis presbiteris caritatiue procurando. Ordinamus eciam et volumus, ut futuris et perpetuis tempo- 1 Orig. nostris.