ralium magister neenon prothonotarius dicte Maioris civitatis Pragensis quasdam duas literas in papiro scriptas a prenominato domino nostro Wencenslao, Romanorum et Boemie rege, emanatas, sigillo magno rotundo de cera rubea a tergo eisdem literis appresso, vid, sigillo ipsius domini domini Wenceslai, Romanorum et Boemie regis, sigillatas in manibus suis tenens ad mandatum predictorum dominorum Wenceslai patriarche, Conradi episcopi, principum et consiliariorum, alta et intelligibili voce coram prenominatis dominis magistro civium, consulibus, doctoribus, magistris, studentibus, abbatibus, prioribus, prepositis, canonicis, plebanis, presbiteris et alia multitudine cleri de verbo ad verbum legit et huiusmodi literas et contenta in eisdem voce sonorosa publicavit et ad noticiam deduxit. Quarum quidem lite- rarum tenor sequitur et primo prime sub hiis verbis: Wenceslaus, dei gracia Romanorum rex semper augustus et Boemie rex, honorabilibus rectori, sacre pagine, iuris canonici et artis medicine doctoribus necnon ceteris universitatis studii Pragensis magi- stris et studentibus, cuiuscunque gradus seu condicionis extiterint, devotis suis dilectis graciam regiam et omne bonum. Honorabiles, devoti, dilecti! Mittimus ad vos reverendissimum in Christo patrem Wenceslaum, patriarcham Anthiocensem, venerabilem Conradum, epi- scopum Olomucensem, principes devotos, et strenuum Jänconem Wrati- slaviensis et Swidnicensis ducatuum capitaneum fidelem, consiliarios nostros dilectos, de mente nostra vobis nostro nomine ad presens refe- renda plenarie informatos. Est igitur intencionis nostre propositum, vobis presentibus districcius iniungentes, quatenus prefatis consiliariis nostris in hiis, que vobis hac vice nostro retulerint nomine, fidem credulam adhibere et eadem eciam operis per effectum adimplere debe- atis, acsi vobiscum loqueremur propria in persona, aliter non securi, prout rerum et corporum vestrorum grave dispendium volueritis evitare. Datum in regali castro nostro Tocznyk die XII. Julii regnorum nostrorum anno Boemie Lo, Romanorum vero XXXVIIo. Ad mandatum domini regis Johannes de Bamberg. Item tenor secunde litere dicti domini nostri regis per pre- fatum magistrum Zigismundum lecte et publicate sequitur et est talis: Wenceslaus, dei gracia Romanorum rex semper augustus et Boemie rex, universis et singulis ecclesiarum parochialium, monasteriorum, capellarum seu aliarum quarumcunque ecclesiarum civitatum Pragen- (56)