172 1387. et Katherine et eciam filie, si qua dicta domina Anna pregnata extitit, si dei auxilio in mundum pervenerit, cuilibet per centum sexagenas grossorum predictorum delegauit pro tota earum parte hereditaria et pro parafernalibus earum et pro omnibus impensis, que fieri debent, dum thoro legittimo maritando tradentur. Quarum filiarum, quecunque non sequendo commissarios supradictos, se sola motu proprio tradiderit marito, eidem nunquam in per- petuum aliquid tribui debebit et esse debet de omni hereditario iure penitus exclusa, nunquam spem aliquam ad bona dicti Thome habitura. Quarum filiarum quacunque de prima ad ultimam dece- dente pars eius non ad alias superstites eius sorores, sed ad filios dicti Thome subscriptos hereditarie debet pertinere. Reliqua vero omnia bona sua mobilia et immobilia prefatus Thomas testator suis filiis Thome, Fabiano, Nicolao, Sigismundo et Wenceslao et eidem filio, si quem portat in vtero domina Anna prenotata, dei auxilio dum poterit in mundum pervenire, titulo porcionis equalis possidenda delegauit, quorum filiorum quocumque de primo ad vltimum decedente sine debitis annis, pars eius ad superstites fratres hereditarie deuolui debebit, sed non ad sorores eorum pre- notatas. De quorum filiorum omnium bonis iam dictis prefatus Thomas testator delegauit perpetue cappellano decem sexagenas grossorum Pragensium census annui perpetui, qui missam singulis diebus continuis tenere debet in parrochia in ciuitate nostra pre- dicta in altari sancte Crucis, quam cappellaniam dominus Blasius, modernus presens cappellanus, si se uita moribusque suis conser- uare poterit, ad finem uite sue tenere debet et habere; si vero se non poterit conseruare, tunc supradicti commissarii, qui sunt et fuerint in futurum, poterint ipsum alienando, alium bone vite presbiterum ydoneum substituere et iterum non conseruatum de- stituere tociens substituendo et destituendo et inmutando, quociens visum fuerit eorum voluntati; ordine similimo facere poterint filii Tome testatoris predicti, dum pervenerint ad ipsorum annorum debitam etatem. Item pro duobus perpetuis anniuersariis prescriptis Tomas duas sexagenas grossorum predictorum census annui per- petui delegauit, ut in parrochia nostra prescripta vnum anniuer- sarium cum vna sexagena grossorum sibi et suis predecessoribus et secundum anniuersarium cum secunda sexagena grossorum Clare, conthorali sue priori legittime, singulis annis perpetuis cum deuocionum solempnitate peragatur. Item pro structura harum quatuor ecclesiarum nostre ciuitatis, videlicet parrochie nostre, Nigri monasterii, Grisei monasterii et Omnium Sanctorum IV sexa-