1342. 59 Venerabilibus viris ac dominis Augustino abbati monasterii Gradycensis prope Olomucz, ordinis Premonstratensis et Bartho- lomeo, preposito ecclesie Olomucensis, judicibus in causa ecclesie parochialis in Nova Pylzna vertente inter religiosos viros dominum Styborium ac Reychlinum plebanum dicte ecclesie ex vna parte et Zachariam plebanum de Ryssud ex altera, per sedem aposto- licam deputati, frater Luduicus ordinis Heremitarum et magister Johannes dictus Paduanus, doctor decretorum, in predicta causa arbitratores per supradictas partes concorditer electi, debitam reuerenciam et honorem. Noueritis, quod sicut ex auctoritate nobis per vos tradita in accessoriis ipsius cause iuris ordine obseruato, visis vtriusque partis juribus cum exacta diligencia processimus, sic in principali predicte cause modo meliori ac diligenciori iuris tamen ordine per omnia obseruato, inuestigatis quoque ad ple- num ipsius cause meritis tum exactis, actitatis coram diuersis ju- dicibus a sede apostolica delegatis et eorum subdelegatis tum eciam ex instrumentis seu literis publicis et priuatis procedentes, inuenimus primo ex litteris et donacione libera excellentissimi do- mini regis Boemie, predictos fratres esse et fuisse in possessione pacifica et quieta uel quasi iuris presentandi ad ecclesiam supra- dictam. Inuenimus eciam ex litteris sanctissimorum pontificum Ro- manorum ipsis fratribus et ordini eorum, concessis, eosdem fratres potuisse et posse omnes ecclesias parochiales eis donatas et do- nandas regere et tenere, ac eos veros et legittimos dictarum eccle- siarum parochialium esse posse rectores et plebanos. Inuenimus eciam predictos fratres ex institucione dominorum administratorum episcopatus Pragensis fuisse et ex nunc fratrem Reychlinum ex institucione domini episcopi Pragensis verum et legittimum esse et fuisse rectorem et plebanum ecclesie memorate. Ideo dei nomine inuocato predicto fratri Reychlino et per consequens ceteris fratri- bus eiusdem ordinis ex premissis per nostram sentenciam inue- nimus, tamquam vero et legittimo plebano, declarantes esse debi- tam et adiudicantes ecclesiam cum suis pertinenciis et juribus memoratam. Hoc vestre circumspecte reuerencie presentibus eno- dantes supradicta omnia et singula tamquam iuri consona aucto- ritate vobis in hac parte commissa posse confirmari et decern predictum fratrem Reychlinum et per consequens alios fratres eiusdem ordinis in possessionem vel quasi ipsius ecclesie et iurium esse mittendum. In quorum omnium testimonium presentes litteras per notarios infrascriptos publicari et in formam publicam redigi