14 1322. dal, řádu křížovníků německých, vymíniv sobě, aby dva členové z řádu stále při špitále bydleli, jeden veda správu časných, druhý duchovních záležitostí špitála, šatíce i stravujíce se při tom ze jmění špitála. In nomine domini amen. Consonum esse dinoscitur, vt acta hominum digna scripturarum elucidacione sic seruentur integra, quousque ad occursum futuri temporis circa gesta veritatis ma- neant incorrupta. Nos igitur Pertoldus judex et jurati Fridericus dictus Scharfo, Vlricus de Budwecz dictus, Henricus dictus institor, Nicolaus dictus Craczcer et alii coniurati nostri ciuitatis nostre Noue Plzne, publice profitemur et protestamur, quia discretus vir, conciuis noster, Conradus de Dobrzano dictus, cum conjuge sua ac liberis suis scilicet Hermanno, Johanne et Raczkone, maturo deliberacionis consilio habito, hospitale per eum constructum in preurbio ciuitatis iam dicte, ordini fratrum sancte Marie de domo theutunica rite et racionabiliter, proculmoto omni dolo, contulit propter deum perpetuis temporibus possidendum, nec tamen se omnimode a regimine et proteccione eiusdem hospitalis exclusit et elongauit, sed pocius ipse discretus vir Conradus predictus cum suis liberis predictis, quamdiu vixerint, in sua po- testate habeant, nullius contradiccione obstante ad regendum et eciam ad minus duo fratres sacerdotes ordinis prenotati in me- morato hospitali personaliter residebunt, curam infirmorum ibidem degencium et tocius familie tam in spiritualibus quam in tempo- ralibus habentes, sibi eciam in necessariis suis videlicet victus et amictus de bonis sepedicti hospitalis prouidentes, nichil tamen pe- nitus de omnibus bonis hospitalis sepedicti mobilibus et immobilibus habitis et habendis in usus proprios conuertentes, sed de consilio fun- datoris supradicti et suorum heredum tenentur et debent conuertere in usus hospitalis memorati. Ne autem hanc ordinacionem cuiusquam malicia valeat inficere et circumuenire presens litera cum nostro testimonio est conscripta et appensione maioris sigilli nostre ci- uitatis confirmata. Actum in Noua Plzna anno domini millesimo trecentesimo vicesimo secundo, in assumpcione sancte Virginis — Marie. Z vidimu listiny této z r. 1413 d. 30. června, v museu plzeň- ském chovaného.