VI Liber is membranaceus folia nonaginta novem formae, quam vocant, quartae maioris continens — esti mutilus ac lituris passim deformatus — dignus tamen est, quem de pristino litterarum cultu con- sulas, quum studii academici normis rerumque me- morabilium narrationibus affluat, quas ipsi Recto- res, sua quisque manu, inseruerunt. Itaque in hoc commentariorum volumine praeter leges, edicta et res iudicatas frequentes etiam easque haud lèves rerum saeculo XIV.o XV.o XVI." et XVII." ge- starum significationes invenies repositas. Litterulae in primis paginis comparentes, ut rei natura fert, ad scribendi rationem dimidio fere saeculo XIV." usitatam sunt conformatae, quum libri vetustas annum MCCCXLVIII., quem primum conditae Universitatis Pragensis fuisse inter omnes constat, non possit excedere. Eodem modo reliquae no- stri codicis paginae sui quaeque saeculi notas ex- hibent, rerum enarratione ad annum MDCXIV. procedente. In limine operis fasti reperiuntur, neque ii tamen integri, mensibus Maio, Junio, Julio et Au- gusto deficientibus. Ibi diem XVII. mensis Octo- bris Rectori creando, diem vero XXIII. Decem- bris inchoandis, quae ob solennia nativitatis Chri- sti dies continuos VII haberi solebant, feriis fuisse dicatum comperies. Fastos autem index legum XXIV academica- rum sequitur, quarum tamen XIV solum priores