211 1. De Georgio Bohemiae rege. (Ex Cod. Ms. Bibl. Vaticanne n. 3923. Chr. Kaprinai, Ungar. Diplomatica, 1l, p. 571.) Georgius de Pogiebrat, Regni Bohemiae gubernator, defuncto Ladislao Hungariae et Bohemiae Rege, quem plerique fraude Georgii extinctum putant, ſervore haereticorum in regem Bohemiae anno do- mini MCCCCLVII electus est. In electione hujusmodi multa reperiuntur, quae illam minus canonicam arguunt: inprimis quod Georgius non ab omnibus, quorum intererat, electus est. Nam muiti ex praelatis et ba- ronibus catholicis huic electioni non interfuerunt et bis, qui inter- fuerunt, vis facta est, alli fraudibus et promissionibus Georgii eircum- venti et seducti sunt: nam cum omnes civitates et oppida in pofestate Georgiiessent, nemo ex catholicis audebat et si qui audebant, non po- terant resistere. Haeretici vero omnes jam dudum Georgium secuti ultro quidem eum regem petiverunt; alios promissionibus de augendo et conservando haeresim pellexit; catholicis etiam persuasit, se haeresim extirpaturum, ut co libentius in eum consentirent. His artibus regium nomen adeptus, cum sedes Pragensis vacaret, quae regni metropolitana est et ad cujus Archiepiscopum coronatio regis pertinet, neque in regno Bohemiac Episcopus inveniretur, qui illum coronare vellet: nam Wratislaviensis aut nolebat aut non au- debat; Olomucensis se excusabat et fortasse consecratus non erat, Georgius suos ex Hungaria episcopos accessivit: Aogustinum Jaur- riensem et Vincentium Watiensem episcopos, qui illi coronam impo- suerunt, quorum manibus et nonnullorum aliorum praelatorum infe- rioris ordinis et multorum baronum tam Bohemiae quam Hungarine Georgius juravit obedire Calixto III tunc Romano pontifici et apostolicae sedi, baeresim quoque extirpare et regnum reducere sieut plenios in juramento constat. 14