240 6. Decretum sancti Constantiensis Concilii et per immediatum et unicum S. Romanae ecclesiae summum Pontificem in eodem concilio electum sanctissimum in Christo patrem et dominum nostrum dominum Martinum Papam ad Regem Wenceslaum Boemiae, qualiter se habeat ad extirpandam haeresim Johannis Wicleft et Huss in terra sua. Cod. Altovadensi coll. cum codicibus musei bohemici 4, D, 12; Cap. Prug. O. il. Iste ordo servandus videtur circa reducendos in regno Bohemiae. Primo et ante omnia, quod Rex Boemiae juret ecclesiam Roma- nam et alias ecclesias suae dicioni subditas in suis libertatibus con- servare et quod non imperet (imponat) talia fieri saeculari vel religioso in regno per Wikleff vel hus noviter introductis (per Wiklefistas vel hussitas noviter introducta). 2. Item omnes spirituales magistri et sacerdotes, qui errores vel haereses dogmatizando vel praedicando in regno praedicto semina- verint et caeteros ibidem infecerunt, errores ipsos Johannis Wikleff et Johannis Hus in hoc sacro concilio condempnatos abjurent et quos praedicaverunt vel dogmatisaverunt, revocent et ipsam condempna- tionem doctrinae et personarum publice in ambone approbent et justam pronuncient; quod si facere recusarent juxta canonicas sanctio- nes puniantur et haec sunt nomina illorum. 3. Item quod saeculares qui in materia fidei non comparuerant nec comparere curarunt et in sententiis sorduerunt, abjurent et contra quos est processum per annum vel per plures annos qui censuras non curarunt potestatem clavium condempnentes. 4. Item alii saeculares qui Wicleffitis et Husitis adhaeserunt, ipsos protexerunt et defenderunt, jurent eis amplius non adhaerere ac eos persequi nec amplius fovere et quod gesta Concilii super condem- pnatione articulorum Johannis Wikleff et Johannis Hus approbent ac rata habeant et super condempnationem personarum. 5. Item quod saeculares, qui clerum spoliaverunt, ad restituendum compellantur, quia peccatum non dimittitur, nisi ablatum restituatur, et quod obligent se et jurent amplius libertatem ecclesiasticam non impedire. 6. Item quod expulsi a beneficiis ad sua beneficia restituantur et intrusi expellantur et puniantur. 7. Item quod prophanantes omnes et singuli sive in favorem Wikleff sive propter temporalia conservanda puniantur juxta canoni- cas sanctiones, ne contemptus clavium approbetur.