432 Bernhardo et Ottone sicut mihi de eorum officialibus quidam retulit, jure haereditario debebant succedere in partibus superioribus Saxo- niae, cum revera illa dominia nunquam erant separata, nisi quod alter illorum tempore alteram partem actu gubernaret. Interea Ericus antedictus cum in legatione Sigismundi R. R. et electorum prout conclusum fuerat in congregatione Nurimbergae, missus ad Prusciam in subsidium magistro Prutenorum ad pugnandum contra infideles sicut superius tactum est, ipse defuncto patruo suo Alberto electore Duce superioris Saxoniae ducatum petere non posset, quod absens Sigis- mundus R. R. dictum dominium contulit sive ut ego audivi pro certa summa florenorum vendidit Friderico(e) Marchionibus Misnensibus, faciens jam dictum Fridericum dacem Saxoniae et electorem Romani Imperii, dicto Erico aut fratrum aliquo suorum non vocatis aut con- sultis, ymo omnino invitis, non obstante quod prius dictum Ericum in antedicto dominio in genere infeodaverat in Frankfordia dicto patruo suo superioris Saxoniae duce praesente. Praedictus vero Ericus in octava sanctae Agnetis quando numerabatur MCCCCXXIII pro con- servatione haereditalis per Ratisponam descendit ad regem in Hun- gariam. Dignetur dominus iter suum prosperum facere et cum gaudio in Saxoniam reducere. C. 12. Quomodo Gegelo paganus jam Wladislaus Rex Polonorum ad fidem sit conversus. Kasimirus quondam rex Polonorum duas filias habuit, quarum nomina ignorantur. Habuit et sororem Elyzabeth nomine reginam Ungariae. Ista regina genuit Ludovicum Regem Ungariae. Rex Ludovicus genuit filias duas, nomen uni Mariae et nomen alteri Hedwigis. Mortuo igitur Kasimiro rege Poloniae Ludowicus Rex Ungariae suscepto etiam regno Polonorum tulit duas filias Kasimiri. quarum unam desponsavit Lantgravio in Zeil, alteram vero ad paganismum. Postea idem Ludovicus R. Poloniae et Ungariae filiam suam Hedwigem tanquam haeredem Regni Poloniae locavit in Cracovia, Mariam autem filiam alteram locavit in Ungaria. Haec Hedwigis quen- dam paganum genere Littwanum dictum Gegelo accepit in virum, qui conversus per eam ad fidem accepto baptismo vocatus est Wlatislaus. Hic est ille qui jam est Rex Polonorum. Huius Wlatislavi pater habuit fratres duos: unus generavit ducem Witoldum vulgo Hertzog Witold nuncupatum, qui suscepto baptismo vocatus est Alexander.