81 bonis recepit. Et tunc post paucos dies Pragenses cum Zizka et cum Grecensibus circumvallaverunt castrum S. Wenceslai, sed expug- nare non valuerunt illud prae multitudine armatae et strenuae gentis, quae in ipso fuit bene ad 7em millia, et etiam, quia tunc praefatus rex Sigismundus Boemiam veniens castra metatus est circa Zbraslaw et abinde veniens necessaria his, qui erant in castro, dedit et de exercitu Pragensium et ceterorum ad xl personas occiderunt, et ipso die rediit in castra, et qui obsederant castrum, mox in crepusculo in civitatem Pragensem se transtulerunt; et post statim praefatus dominus Sigis- mundus in visitatione S. Mariae Pragam circumvallavit. Nam tunc habuit in exereitu suo C millia equitum, et cum eo erant duces Austriae, marchio Misnensis, dux Saxoniae, duces Sleziae et alii quam plures spirituales et saeculares principes et domini. Et cum aliquot septimanas in obsidione perdurasset, fecit post impetum in fortalitium dictum Zizkow, quod tunc Zizka ex novo construxerat in monte Vit- kova Hora supra campum hospitalensem et hoc ipso die in divisione apostolorum, et non potuit illud acquirere; nam circa illud multi Theutonici et specialiter Misnenses interfecti sunt. Et post rex, cum non potuit proficere circa obsidionem civitatis Pragensis, cum suo exercitu recessit dimissis suis in castris S. Wenceslai et Wissegrado et ceteris in fortalitiis multis, quae post successu temporis Pragenses omnia acquisierunt. Eodem etiam anno dominus Alsso de Wrzessow, Beness de Mokrowus et Girziko de Chwalkowicz cum sacerdote quodam Ambrosio gentem in monte Cunieticz (sic) *) occulte congregaverunt, cum quibus post civitatem Grecz Reginae invaserunt et obsederunt et praefatus dominus rex ab obsidione Pragensi missis x millibus electae armatae equestris gentis in succursum civitati praedictae, nil proficere valebat, et sic ad propria recesserunt. Item eodem etiam anno Pragenses cum domino Hynkone de Golstayn et cum domino Victorino de Podiebrad et de Cunstat et cum Hynkone, fratre ipsius et cum domino Crussyna, Divissio de Miletnik, domino Procopio de Vsk et cum ceteris castrum Wyssegrad post recessum de Boëmia saepenominati domini regis Sigismundi obsede- runt, et dominus rex congregata magna multitudine populi equestris, venit Boemiam ad liberandum praedictum castrum Wissegrad, et ibi *) (Cirnietiez? Kunětice?) Fontes. XIII.