395 comburebant, ut librum sex aut octo valentem sexagenis, pro media sexagena aut pro XX gr. aut remissius dabant emere volenti. Calices autem cum monstrantiis, aut aliis argenteis ecclesie clenodiis et al- taribus sumentes viliter ad angulos projiciebant. Item ex eadem pertinacia sacras pro cultu divino deputatas vestes tollebant, de casulis ornatibusque joppas vel joppularum mani- cas, de corporalibus et albis camissias, aut aliud vilius indumentum, ut bracas sibi fieri in magnum scandalum procurabant. Et sic rustici sub togis regio habitu fuerunt vestiti, in quo nec patres ausi fuissent incedere. Item quia presbyteri prefati vitabant in ecclesiis et super altari consecrato sacramentum conficere, asserentes non dei, sed potius diaboli et idolorum esse ecclesias, vel altaria, cum non gratis pro deo, sed pro mammona inquitatis et non ad dei, sed ad honorem alicujus sancti, sunt simoniace consecrata. Igitur merito fore destruenda. Et ecclesias ubi poterant, rumpebant et comburebant, aut aliter quovis modo violabant. Altaria vero dotata pervertebant, aut eorum cornua concutientes ad officium inutilia divinum reddebant. Item similiter monachorum monasteria predicabant esse latro- num speluncas et contra legem Christi male fundata. Cum Christus mandavit suis apostolis et per eos omnibus presbyteris, quod se non recluderent, sed vadant in universum orbem predicantes et bapti- zantes in nomine patris, filii et spiritus S. Igitur omnia monasteria sive dotata, sive mendicantium, sunt a fidelibus funditus evertenda et destru- enda, ut monachi et fratres eant in universum orbem predicantes evangelium. Ex qua perfida conclusione infrascripta monasteria infra unius anni spatium et deinceps sunt destructa et combusta, quorum nomina secundum ordinem subscribuntur. Monasteria dotatorum monachorum. Chartusia, Strahowia, Brzewniowia, Pedepontis, Sancti Mauri, Zderaz, Ambrosii, Aula Regia, Corona, Milevsko, Nepomuk, Insula, Porta apostolorum, Zelew, Gradismonachorum, Kladrup, Czedlicz. Opatovicz, Wilemow, Hradišt. Monasteria mendicantium monachorum. Thomae, Clementis, in Botiecz in Viridi, in Zacz duo, in Plzna duo, in Luna duo, in Grecz Reginae duo, in Usk duo, in Pieska unum, Glatowiae unum, in Thurnowia unum, in Colonia unum in Nymburgk unum.