328 DIPLOMATARIUM Vff das alles meyn ich Thüring von Halwiler, das der rechttag durch herrn Jörgen vom Stein noch nyemants von sinen wegen nit gesucht, sunder vnderstannden werd die sachen vnd minen gnedigen herren von newen vor vnn- serm herren dem keyser, wo herr Jorg zu bericht kem, fur- zenemen, angesehen das im von der cantzly kein vrteil brief nye hat werden mögen, das er ouch als ich vernym hat protestiren lossen, vnd des instrument genomen, da- mit er villicht möcht vermeinen, das die sach nynem solt gewisenn werden. Gleichz. Abschrift. Papier. Geh. H. Archiv. XXXII. 4. Juli 1467. Wir Fridreich von gots gnaden römischer kaiser, zu allennzeiten merer des reichs, zu Hungern, Dalmacien, Croacien etc. kunig, herezog zu Österreich, zu Steir, zu Kernnden vnd zu Krain etc. Bekennen als sich der hoch- geborn Sigmund herczog zu Österreich etc. vnser lieber vetter vnd fürst der sachen halben, so er mit Jörgen vom Stain zu tun, darumb er mit demselben vom Stain, vor seinen reten im rechten steet zwayr stukh mit namen des ersten, daz derselb vnser vetter hertzog Sigmund den be- nanten vom Stain in der bericht so zwischen vnser vnd desselben vnsers lieben vettern hertzog Sigmunds besche- hen ist ingeslossen hab vnd derselb vom Stain auch darinn betedingt sey, des anndern, daz derselb vom Stain durch vns in dhainer bericht darinn er sechstawsent guldein hab nachlassen müssen von desselben vnsers lieben vettern hertzog Sigmunds wegen gedrungen sey, an vns derselben zwayr stukh halben, dem rechten zu hilff vnser kuntschaft vnd vrkund zu geben getzogen hat, als wir vnderricht seinn. Daz wir derselben sachen vnser kuntschaft gege- ben haben, wissentlich mit dem brief, auf das erst stukh also, daz wir ingedennkh sein, daz der benant vnser lie- ber vetter hertzog Sigmund, Jörgen vom Stain sachen in der berürten bericht angetzogen vnd gemelt, darauf wir