242 DIPLOMATARIUM geburde vierczehenhundert vnd im neunundsechczigisten, vnnser reiche, des römischen im dreissigisten, des key- serthumbs im achtzehennden vnd des hungrischen im aindlefften jaren. Orig. Perg. 1 grosses Majestätsiegel. Geh. H. Archiv. (Angef. bei Chmel, Regg. K. Friedrichs B. II. Nr. 5567. Lichnowsky Bd. VII. Regg. N. 1358.) XLII. 26. May 1469. Wir Fridreich von gotts gnaden römischer keyser zu allentzeitten merer des reichs, zu Hungern, Dalmacien, Croacien etc. kunig, hertzog zu Osterreich vnd zu Steyr etc. Embieten dem hochgebornnen Sigmunden hertzogen zu Osterreich vnserm lieben vetter vnd fürsten vnser gnad vnd alles gut. Hochgebornner lieber vetter vnd fürst. Als wir negst von deiner lieb auch des hochgebornen Ludwi- gen pfaltzgraue bey Rein vnd hertzogen in Bayrn wegen, ersucht vnd gebeten sein, solh vngnad vnd vnwillen, ob wir einich deszhalb zu vnsern vnd des reichs lieben getrewn gemeinen eydgenossen vonn stetten vnd lannden vmb das sy dich vber vnd wider vnsern fünffjerigen frid zu Nurm- berg beslossen vnd durch vnsern heiligen vater den pabst bekrefftigt vnd bestettigt, auch vnser keyserlich gebot vnd ladungbrief deszhalben an sy ausganngen in hanngendem rechten bekriegt vnd dein lieb zu vnbillicher verschreibung bericht vnd glubde gedrungen haben abzustellen vnd sy da- rumb nicht ferrer anzulanngen, sey wir wol ingedenkh, nachdem wir aber durch vnsern procurator fiscal glewb- lich vnderricht sein, wie die gemelten eydgenossen zu nicht kleyner smehe vnd verachttung vnnser keyserlichen maiestat solhs alles in hanngundem rechten freuenlich ge- hanndelt auch darinn souil an in gewesen were, vnser key- serlich oberkeit vnd gerichtzwanng an den ennden vnd in der vermeinten bericht zuuortedingen vnderstannden, so haben wir aus den vnd anndern merkhlichen vrsachen vns dartzu bewegende, vnd auf anruffen des gemelten vnsers procurator fiscals, solch bericht so zwischen dein vnd in in