HABSBURGENSE S. XV. 205 XXX. 24. Mai 1467. Wir Fridreich von gots gnaden römischer kaiser zu allenntzeiten merer des reichs, zu Hungern, Dalmacien, Croacien etc. kunig, hertzog zu Osterreich, zu Steir, zu Kernden vnd ze Krain etc. Embieten dem hochgebornen Sigmunden hertzogen zu Österreich etc. vnserm lieben vettern vnd fürsten vnser gnad vnd alles gut. Als vns dein lieb ietz der sachen vnd rechtens halben darinn du vor dei- nen reten mit Jörgen vom Stain steest geschriben hat, wie derselb vom Stain im rechten furbringen hab lassen, daz du dich vber das zusagen, so du im getan mit vns an sein willen vnd wissen vertragen vnd verricht vnd in in dieselb bericht nicht getzogen habst, darumb er dann vmb sein spruch vnd vordrung so er zu vns gesetzt nach seinem merckhlichen schaden mit vns ain bericht aufnemen, vnd in seiner vordrung als bey sechstausent guldein nachlassen hab mussen, dartzu du aber geantwurt wie du sein vnd sei- ner vordrung in der berürten bericht nicht vergessen, sun- der durch dein ret meldung habst tun lassen, der sich aber vmb dieselb sein vordrung vor deiner lieb mit vns vertra- gen hab vnd begerest dir des kundtschafft ze geben. Ha- ben wir vernomen vnd lassen dein lieb wissen daz wir vns da- rinn aigenntlich erkundt haben vnd vnderricht sein, daz sich der benant vom Stain vmb die obberurt sein vordrung auf den Mittichen nach sannd Jörgentag des virtzehenhundert vnd virvndsechtzigisten jars vnd dein lieb darnach des Sun- tag nach sannd Giligen tag desselben vir vnd sechtzigisten jars nagst uergangen sich mit vns hie zu der Newnstat ver- tragen vnd bericht haben als das die registrierten brief mit den bemelten datum daruber ausganngen, die wir in vnserr kanntzley in vnsern registern darumb vbersehen haben las- sen, aigenntlich ausweisen. Des geben wir deiner lieb dise vnser kundtschafft, besigelt mit vnserm aufgedrukhtem insi- gel. Geben zu der Newnstat an Suntag vor sannd Vrbanstag,