194 DIPLOMATARIUM fürsleg vertragen weren gewesen dann wir vor dem gros- sen schne kainer rettung bekomen mochten das vnns ewr gnad da abslug dardurch graff Wilhalem vmb sein gslos kam das wil ich mit meinem leib vnd gut vmb ewr furstli- che genad verdienn vnd pit darauf ain genadige verschribne antwort bey disem boten. Datum feria tercia ante Laurenti Jorg vom Stain etc. anno etc. Ixiijt. Orig. Papier. Geh. H. Archiv. XXII. 2. September 1464. Wir Fridreich von gots gnaden römischer kayser zu allenntzeiten merer des reichs zu Hungern, Dalmacien, Croacien etc. künig, hertzog zu Österreich, zu Steir, zu Kernnden vnd zu Krain, graue zu Tyrol etc. Bekennen, als sich meniger irrung vnd aufrur in vnserm fürstentumb Österreich erhebt haben vnd lanngtzeither gewesen vnd noch seinn, dadurch dasselb vnser fürstentumb Österreich in merklich scheden vnd die inwoner darinn in gross ab- nemen vnd verderben komen sind vnd wo die nicht vnder- komen vnd aufgehebt werden, noch künfftiklich mer besche- hen möcht. Vnd nachdem der hochgeborn Sigmund hertzoge ze Österreich, ze Steir etc. vnser lieber vetter vnd fürst an demselben fürstentumb seinen drittail gehabt hat, dem dann dasselb vnser fürstentumb Österreich aus geltschuld kriegen vnd aufrur in pesser wesen vnd ordnung ze brin- gen wol gemaynt ist vnd wir den merern tail desselben fürstentumbs in regierung vnd gewaltsam haben vmb das dann das durch taylung oder zwayung der gewaltsam vnd regierung in fürnemen das widertzebringen, als vor ist berürt nicht verhindert werde, so haben wir vns mitein- annder frewntlich vnd mit gutem willen vnd zeitigem rate verainet in solhermasse, daz vns derselb vnser vetter sei- nen drittail desselben fürstentumbs nutz vnd renntt auch annderr seiner gewaltsam vnd herlikait was er der an dem bemelten fürstentumb Osterreich, niderhalb vnd ob der Enns vngeuerlich gehabt, abgetretten auch darauf entslach