230 Soudní akta konsistoře Pražské 174. [Výpověď rozhodčí ve při mezi kanovníkem Vítem od sv. Jiljí a panoší Janem z Koječína.] (Pag. 377.) Item die predicta h. vesp. in curia archiep. coram mag. Mathia vicario constituti personaliter honorab. viri mag. Vitus canonicus s. Egidii in Praga ex una et Johannes cliens ab Cogieczin parte ex altera super omnibus litibus causis et controversiis inter ipsos quomodo- libet exortis in providos viros, videlicet mag. Vitus in Wenceslaum Miscam et Jesco cliens in Wenceslaum civem Prag. de alto et basso nichil reservantes, eciam renuncciantes aliis omnibus compro- missis litibus et causis hactenus vertentibus, sub pena fidei et ho- noris et pena XX sexag. solvendarum parti tenenti per partem non tenentem, submittentes se eciam hincinde tam judicio spirituali quam seculari, compromiserunt. Ibidem mag. Vitus constituit suos fideiussores de parendo arbitrio, videlicet mag. Mathiam de Scramp- nik et Albertum notarium civium Minoris civitatis Prag. et Johannes cliens pro se Wenceslaum arbitrum suum predictum et Adam cives maritum Roznberske (sic) similiter pro parendo arbitrio, qui quidem videlicet Vitus et Johannes cliens promiserunt sponte et libere ra- tum et gratum habere, quidquid per dictos arbitros pronuncciatum fuerit et arbitratum. Ibidem statim iidem arbitri consilio et matura deliberacione prehabita pronuncciaverunt et arbitrati sunt in hunc modum. Primo et ante omnia quod omnes cause tractatus, quos et quas hucusque simul habuerunt, transeant et nullius sint momenti nec vigoris. Item .. quod omnes lites et guerre inter ipsos cessent et quod a die hodierna sint boni et sinceri amici et quod idem Johannes cliens debeat servire mag. Vito. Item .. quod Johannes cliens de medio laneo prebende, silvis et pratis ac rivulis, quos racione prebende a predicto mag. Vito tenet .., per se et suos heredes et successores, videlicet in festo s. Georgii XXIV gross. et in festo s. Galli XXIV gross. incipiendo solvere nunc in festo s. Georgii et in eventum, ubi non solveret post aliquod festum festorum predictorum infra VIII dies, quod statim nomine pene... V gross. (?) (pag. 378.) eundem censum cum penis omni septimana V gross. accrescentibus usque ad unum annum non persolverit seu solvere neglexerit, extunc ab omni jure et bonis eisdem ipso facto cadat et ad predictum mag. Vitum vel suum successorem rever- tantur bona eadem, nec eciam pueris et heredibus dicti Johannis clientis aliquod jus in bonis eisdem competat, sed ab eisdem sint omnino exclusi. Item pronuncciaverunt, quod censum retentum dictus Johannes cliens videlicet LXV gross. infra octavas nativitatis Christi sub pena XX sexag. gross. fidei et honoris ipsi mag. Vito solvat cum effectu. Item .. quod idem cliens residuam partem de censu re- tento, videlicet XL gross. in quatuortemporibus in quadragesima proxime venientibus predicto mag. Vito sub pena eadem det et