Brunenses. 55 et gravius, sicut est homicidium vel consimile, quando posset acci- dere, respiciendo emendam vel poenam aggravant vel augmentant. 84. (Br.) De arbitris quantum ad processum. Cum arbitrium semper debeat procedere et nunquam retrocedere: si tres sint electi arbitri, duo poterunt in causa procedere et ipsam diffinire, si tertius citatus malitiose vel voluntarie nolit adesse; dum tamen justo impedimento non impediatur, ac si tertius praesens esset. 85. (Br.) De arbitris quantum ad privilegia et instrumenta. Sententiatum est: Licet testes instrumentis inscripti de jure debeant esse rogati, tamen arbitri causae decisionem de alto et basso in manibus habentes, quidquid arbitrati fuerint, in litteris possunt scribere et sigillis propriis et aliorum, sicut eis placuerit, sigillare. Cum enim ad arbitrandum primo rogantur, non oportet, quod ad litteras scribendum et eas sigillandum, quod est tamquam accessorium, secundario rogentur. 86. (Br.) De arbitrationibus super excessu verborum et factorum. Jurati de Alba Ecclesia scripserunt sic: Lite inter partes per arbitros sub ista poena decisa, quicumque verbis ipsam inchoaret, judici et juratis in tredecim talentis denariorum teneretur; quicumque vero factis ipsam innovaret, manum pro manu, pedem pro pede et vitam pro vita solveret pro emenda: accidit quod in taberna unus de numero dictarum partium alium partis adversae vita privavit, et postquam excessus hujusmodi ad judicem et juratos per querimoniam devenisset, quaesiverunt a partibus, unde delictum tale verbis an factis originaliter processisset. Actor vero, puta frater occisi, respondit, quia protestaretur in hospitem tabernarium, quod non per fratrem suum lis, propter quam occisus esset, fuerit inchoata. Tabernarius autem idem super dicenda veritate requisitus dixit, quod nollet testari per se ipsum, sed alios duos, quos vocavit, sibi vellet assumere pro suo testimonio confirmando. Deposuit ergo tabernarius, quum videret, quod ille, cui homi- cidium imponebatur, fratrem actoris pugno et cultello evagi- nato laedere voluit, nisi ipse intercepisset. Alii vero duo testabantur solum, quod viderint, quod tabernarius occisum