Brunenses. 51 vel fundum suum exaltet, vel tale quid faciat, propter quod aqua vicino nocere incipiat: ex hoc dabitur actio aquae pluviae arcendae. Sic enim quisque suam domum meliorem facere debet, ne vicini faciat deteriorem. Unde quilibet stillicidia suorum tectorum capere debet, nisi jus habeat, quod super vicinum cadant. 78. (Pr.) De aqua pluviali. Actio aquae pluviae arcendae locum habet, si aqua pluvialis non naturaliter noceat, sed opere facto, nisi agri colendi causa illud opus factum sit. Et sic unusquisque domum suam meliorem facere debet, ne vicini sui faciat detrimentum, aut deteriorem, nisi jus habeat, quod aliquid talium fiat. Et sic per consequens dicendum erit, quod prodesse unusquisque sibi, dum alteri non noceat, non prohibetur. 79. (Br.) De aqua pluviali quantum ad agros. Jurati de Alba Ecclesia proposuerunt in consilio, quod rustici villarum fre- quenter coram eis conquerantur, unus de alio, quod in agro suo faciat fossatum, in quo aquam pluvialem capiat in tanta copia, quod ager vicinus aridus maneat nec rigetur. Peti- verunt ergo informari. Super quo sunt instructi: Si rusticus serere et arare possit sine talibus fossatis, qui dicuntur sulci aquarii, tunc sulcos tales non faciat, et si facit, tenetur hac actione, licet agri colendi causa videatur fecisse. Sed si aliter seminare non posset, nisi sulcos aquarios faciat, non tenetur. Item si opere facto aut in partem superiorem aqua pluvialis pellitur, aut in partem inferiorem derivatur, actio aquae pluviae arcendae competit. Unde dicitur, et bene, aquam pluvialem in suo retinere vel superabundantia ex fundo vicini in suum derivare, dummodo opus in alieno non fiat, omnibus jus esse; prodesse enim unusquisque sibi, dum alteri non noceat, non prohibetur. Et sciendum est, hanc actionem superiori adversus inferiorem competere, ne aquam, quae naturâ fluit, opere facto inhibeat per suum agrum decurrere, et etiam inferiori adversus superiorem, ne aliter aquam mutet superior, quam fluere naturâ solet. Et nunquam competit haec actio, cum 4*)